Surat Metro Trial Run Begins: ડાયમંડ સિટીમાં મેટ્રોનો મંગલ પ્રારંભ ડ્રીમ સિટીથી અલથાણ વચ્ચે દોડી ટ્રેન, આજથી ટ્રાયલ રન શરૂ

Surat Metro Trial Run Begins: સુરતવાસીઓની વર્ષોની પ્રતીક્ષાનો હવે અંત આવી રહ્યો છે. ૧૮ જાન્યુઆરી ૨૦૨૧થી શરૂ થયેલું મેટ્રો રેલનું કામ હવે પાટા પર જોવા મળી રહ્યું છે. આજથી ડ્રીમ સિટીથી અલથાણ ટેનામેન્ટ સ્ટેશન વચ્ચેના ૮.૫ કિ.મી.ના રૂટ પર મેટ્રો ટ્રેનનો સત્તાવાર ટ્રાયલ રન શરૂ કરવામાં આવ્યો છે.

Surat Metro Trial Run Begins: ટ્રાયલ રન અને ટેકનિકલ ચકાસણી

મેટ્રોના સત્તાધીશોના જણાવ્યા અનુસાર, આ ૮.૫ કિ.મી.ના વાયડક્ટ (બ્રિજ) અને ટ્રેક બિછાવવાનું કામ પૂર્ણ થઈ ગયું છે. ટ્રેક્શન પાવર માટે ‘થર્ડ રેલ’ સિસ્ટમ પણ સજ્જ છે. આ ટ્રાયલ રન આશરે ૫૦૦ કલાક સુધી ચાલશે, જેમાં RDSO અને CMRS દ્વારા ઝીણવટભરી સુરક્ષા ચકાસણી કરવામાં આવશે. આ રૂટ પર કુલ ૭ સ્ટેશનોના સ્ટ્રક્ચર તૈયાર થઈ ગયા છે અને હાલ ફિનિશિંગ કામ ચાલી રહ્યું છે.

Surat Metro Trial Run Begins: સુરત મેટ્રોની ખાસિયતો ડ્રાઈવરલેસ અને હાઈટેક

સુરત મેટ્રો અનેક રીતે ખાસ અને આધુનિક હશે:

• ટેકનોલોજી: આ ટ્રેનો ‘ડ્રાઈવરલેસ ટ્રેન ઓપરેશન સિસ્ટમ’થી સજ્જ હશે.
• ઝડપ: મેટ્રોની મહત્તમ ગતિ પ્રતિ કલાક ૮૦ કિ.મી. ની રહેશે.
• ઈન્ટિરિયર: કોચની અંદર સુરતની ઓળખ સમાન ડાયમંડ શેપ, ટેક્સટાઈલ ઉદ્યોગ અને ગરબાની થીમ જોવા મળશે.
• સુરક્ષા: દરેક ટ્રેન ૩ કોચની હશે, જેમાં સીસીટીવી અને ફાયર ડિટેક્શન સિસ્ટમ રિયલ-ટાઇમ મોનિટરિંગ સાથે જોડાયેલી હશે.

Surat Metro Trial Run Begins: ભાડાનું માળખું રિક્ષા કરતાં સસ્તી મુસાફરી

મુસાફરો માટે મેટ્રો કિફાયતી રહે તે માટે પ્રસ્તાવિત ભાડું તૈયાર કરાયું છે:

• ૧ થી ૩ સ્ટેશન વચ્ચેનું ભાડું માત્ર ₹૧૦ રાખવાની દરખાસ્ત છે.
• ૨૦ કે તેથી વધુ સ્ટેશનની લાંબી મુસાફરી માટે મહત્તમ ₹૪૦ ભાડું હોઈ શકે છે. જોકે, અંતિમ નિર્ણય ઓપરેટિંગ વિભાગની રચના પછી સંચાલન ખર્ચ અને સરકારી સબસિડીને આધારે લેવાશે.

Surat Metro Trial Run Begins: ક્યારે શરૂ થશે ફૂલ-ફ્લેઝ્ડ સર્વિસ?

છેલ્લા ૫ વર્ષથી ચાલી રહેલી કામગીરીને કારણે ટ્રાફિક અને ધંધા-રોજગારમાં જે મુશ્કેલી પડી છે, તેનો ઉકેલ ટૂંક સમયમાં આવશે. મેટ્રોના અધિકારીઓના મતે, જૂન ૨૦૨૬ સુધીમાં સુરત મેટ્રો સંપૂર્ણ રીતે ધમધમતી થઈ જશે. મેટ્રોના બે કોરિડોર (ડ્રીમ સિટી થી સરથાણા અને સારોલી થી ભેંસાણ) મળીને કુલ ૪૦.૪૫ કિ.મી.ના રૂટ પર સુરતીઓ મેટ્રોની સવારી કરી શકશે.

વધુ સમાચાર વાંચવા માટે અંહી ક્લિક કરો : ’મન કી બાત’ વૈશ્વિક ઉર્જા સંકટ વચ્ચે PM મોદીનો હિંમતભર્યો સંદેશ; ‘ભારત કોઈ પણ પડકારને પહોંચી વળવા સક્ષમ’