PM Modi to Meet CMs Today: ઈરાન-ઈઝરાયેલ યુદ્ધ અને વૈશ્વિક તણાવ વચ્ચે દેશમાં લોકડાઉન અને ઈંધણની અછતને લઈને ફેલાઈ રહેલી અફવાઓ પર કેન્દ્ર સરકારે પૂર્ણવિરામ મૂક્યું છે. પેટ્રોલિયમ મંત્રી હરદીપ સિંહ પુરી અને સંસદીય કાર્ય મંત્રી કિરેન રિજિજુએ સ્પષ્ટ કર્યું છે કે દેશમાં લોકડાઉન લગાવવાની કોઈ યોજના નથી અને જનતાએ ગભરાવાની જરૂર નથી.
PM Modi to Meet CMs Today: સરકારની કડક સ્પષ્ટતા: ‘ભયનું વાતાવરણ ન બનાવો’
- લોકડાઉન નહીં લાગે: કિરેન રિજિજુએ સંસદની બહાર જણાવ્યું કે પરિસ્થિતિ સંપૂર્ણ નિયંત્રણમાં છે. પીએમ મોદી પોતે સ્થિતિ પર નજર રાખી રહ્યા છે. લોકડાઉનની વાતો માત્ર અફવા છે.
- ઈંધણની અછત નથી: પેટ્રોલિયમ મંત્રાલયે સોશિયલ મીડિયા પર ચાલી રહેલા અહેવાલોને ફગાવતા કહ્યું કે, “દુનિયામાં ગમે તે થાય, ભારત પાસે 60 દિવસનો પેટ્રોલ અને ડીઝલનો સ્ટોક ઉપલબ્ધ છે.”
- જમાખોરોને ચેતવણી: સરકારે સ્પષ્ટ કર્યું છે કે અછતની અફવા ફેલાવીને ‘પેનિક બાયિંગ’ (ગભરાટમાં ખરીદી) કરાવનારાઓ અને સંગ્રહખોરી કરનારાઓ સામે કડક કાર્યવાહી કરવામાં આવશે.
PM Modi to Meet CMs Today: પીએમ મોદીની અપીલ: ‘કોરોનાની જેમ તૈયાર રહેવું પડશે’
વડાપ્રધાન નરેન્દ્ર મોદીએ સંસદમાં કહ્યું હતું કે ઈરાન યુદ્ધને કારણે વિશ્વમાં સર્જાયેલી પરિસ્થિતિની અસર લાંબા સમય સુધી રહી શકે છે. તેમણે આ સમયને “દેશની મોટી પરીક્ષા” ગણાવી છે. પીએમએ કહ્યું કે આપણે કોરોના કાળની જેમ જ એકતા અને ‘ટીમ ઈન્ડિયા’ની ભાવનાથી આ પડકારોનો સામનો કરવો પડશે. આજે (27 માર્ચ) સાંજે પીએમ તમામ મુખ્યમંત્રીઓ સાથે વીડિયો કોન્ફરન્સિંગ દ્વારા ચર્ચા પણ કરવાના છે.
PM Modi to Meet CMs Today: રાજકીય ગરમાવો: વિપક્ષના પ્રહાર
નાણા મંત્રી નિર્મલા સીતારમણે કેટલાક નેતાઓ દ્વારા ફેલાવવામાં આવતી અફવાઓ પર આશ્ચર્ય વ્યક્ત કર્યું હતું. બીજી તરફ, વિપક્ષી નેતાઓ રાહુલ ગાંધી અને મલ્લિકાર્જુન ખડગેએ કોરોના કાળની તકલીફોને યાદ કરી સરકારના “તૈયાર રહેવાના” નિવેદન પર સવાલો ઉઠાવ્યા છે અને મોંઘવારી તેમજ ઉર્જા સંકટ અંગે ચિંતા વ્યક્ત કરી છે.
વધુ સમાચાર વાંચવા માટે અંહી ક્લિક કરો
મોંઘવારી સામે મોટી રાહત: કેન્દ્ર સરકારે પેટ્રોલ-ડીઝલ પર એક્સાઈઝ ડ્યુટીમાં કર્યો મોટો ઘટાડો
