Infiltration Foiled in Uri:જમ્મુ-કાશ્મીરમાં સુરક્ષા દળોએ આતંકવાદ વિરુદ્ધ આકરૂ વલણ અપનાવ્યું છે. ઉરી સેક્ટરમાં સરહદ પારથી ઘૂસણખોરી કરી રહેલા આતંકીઓને ભારતીય સેનાએ જડબાતોડ જવાબ આપ્યો છે, જેમાં એક આતંકી ઠાર થયો છે. બીજી તરફ, પૂંછમાં ઓપરેશન દરમિયાન એક બહાદુર જવાન શહીદ થયા હોવાના દુઃખદ સમાચાર સામે આવ્યા છે.
Infiltration Foiled in Uri: ઉરીમાં ‘ઓપરેશન DIGGI-2′ હેઠળ મોટી સફળતા
બારામુલા જિલ્લાના ઉરી સેક્ટરમાં નિયંત્રણ રેખા (LoC) પર શંકાસ્પદ હલચલ જોવા મળતા ભારતીય સેના અને જમ્મુ-કાશ્મીર પોલીસે સંયુક્ત સર્ચ ઓપરેશન ‘DIGGI-2’ શરૂ કર્યું હતું.
- આતંકી ઠાર: 14-15 માર્ચની મધ્યરાત્રિએ બુછાર વિસ્તારમાં ઘૂસણખોરીનો પ્રયાસ કરી રહેલા આતંકીએ સેના પર ફાયરિંગ કર્યું હતું, જેના વળતા જવાબમાં સુરક્ષા દળોએ એક પાકિસ્તાની આતંકીને ઠાર કર્યો છે.
- હથિયારો જપ્ત: ઠાર થયેલા આતંકી પાસેથી એક AK રાઈફલ, પિસ્તોલ અને મોટા પ્રમાણમાં દારૂગોળો મળી આવ્યો છે. હાલમાં પણ આ વિસ્તારમાં સર્ચ ઓપરેશન ચાલુ છે.
Infiltration Foiled in Uri:પૂંછમાં સુબેદાર સંદીપ કુમાર ઢાકા શહીદ
પૂંછ સેક્ટરમાં ચાલી રહેલા ‘ઓપરેશન શેરીકલાં’ દરમિયાન ભારતીય સેનાના જુનિયર કમિશન્ડ ઓફિસર (JCO) સુબેદાર સંદીપ કુમાર ઢાકા દેશ માટે સર્વોચ્ચ બલિદાન આપી શહીદ થયા છે.
- બનાવની વિગત: વ્હાઇટ નાઇટ કોરના જણાવ્યા મુજબ, શનિવારે બપોરે સુરનકોટના અત્યંત દુર્ગમ વિસ્તારમાં ફરજ બજાવતી વખતે સુબેદાર ઢાકા લપસીને પડી ગયા હતા.
- તેમને તુરંત જ લશ્કરી હોસ્પિટલમાં ખસેડવામાં આવ્યા હતા, પરંતુ ડોક્ટરોના અથાગ પ્રયત્નો છતાં તેમને બચાવી શકાયા નહોતા.
આ પણ વાંચો :જેતપુરમાં 118ની સ્પીડે રીલ્સ બનાવી અને ગણતરીની મિનિટોમાં નવી નક્કોર કારનો કચડઘાણ, 20 વર્ષીય યુવકનું મોત
