Drone Strike Near Dubai Airport:મધ્ય-પૂર્વમાં ચાલી રહેલા તણાવની વચ્ચે બુધવારે (11 માર્ચ) વિશ્વના સૌથી વ્યસ્ત એવા દુબઈ ઇન્ટરનેશનલ એરપોર્ટ (DXB) પર ડ્રોન હુમલો થયો છે. એરપોર્ટ નજીક બે ડ્રોન ક્રેશ થતા સર્જાયેલી આ દુર્ઘટનામાં એક ભારતીય નાગરિક સહિત કુલ ચાર લોકો ઘાયલ થયા હોવાના અહેવાલ છે.
Drone Strike Near Dubai Airport:હુમલાની વિગતો અને જાનહાનિ
દુબઈ મીડિયા ઓફિસે સત્તાવાર પુષ્ટિ કરતા જણાવ્યું છે કે, એરપોર્ટની સરહદ નજીક બે ડ્રોન તૂટી પડ્યા હતા. આ ઘટનામાં ઘાયલ થયેલા ચાર લોકોમાં:
- 1 ભારતીય નાગરિક
- 2 ઘાનાના નાગરિક
- 1 બાંગ્લાદેશી નાગરિક નો સમાવેશ થાય છે. સદનસીબે, તમામ ઘાયલોને સામાન્ય ઈજાઓ પહોંચી હોવાનું જાણવા મળ્યું છે.
Drone Strike Near Dubai Airport:હવાઈ ટ્રાફિક પર સ્થિતિ
હુમલા બાદ તાત્કાલિક સુરક્ષા પ્રોટોકોલ લાગુ કરી દેવામાં આવ્યો હતો. જોકે, એરપોર્ટ સત્તાવાળાઓએ સ્પષ્ટ કર્યું છે કે આ ઘટનાની ફ્લાઇટ ઓપરેશન્સ પર કોઈ નકારાત્મક અસર પડી નથી. દુબઈ ઇન્ટરનેશનલ એરપોર્ટ પર હવાઈ ટ્રાફિક હાલમાં સામાન્ય રીતે કાર્યરત છે.
યુદ્ધની અસરો વધુ તીવ્ર બની
નિષ્ણાતોના મતે, અમેરિકા-ઇઝરાયેલ અને ઈરાન વચ્ચે વધી રહેલા સંઘર્ષની આ સીધી અસર છે. અગાઉ LPG ના સપ્લાયમાં આવેલી અડચણ બાદ હવે સીધા ડ્રોન હુમલા થતા ખાડી દેશોમાં રહેતા લાખો ભારતીયોની સુરક્ષાને લઈને ચિંતા વધી ગઈ છે. સુરક્ષા એજન્સીઓ હાલ ડ્રોન ક્યાંથી લોન્ચ કરવામાં આવ્યા હતા અને તેનો ચોક્કસ ટાર્ગેટ શું હતો તે અંગે તપાસ કરી રહી છે.
આ પણ વાંચો :દેશભરમાં LPGનો હાહાકાર: ઈરાન-ઈઝરાયેલ યુદ્ધની અસર, સિલિન્ડર માટે એજન્સીઓ પર 3 વાગ્યાથી લાંબી લાઈનો
