Ahmedabad news:અમદાવાદ શહેરના પૂર્વ અને ઔદ્યોગિક વિસ્તારોમાં ગુનાખોરી પર લગામ કસવા અને કાયદો-વ્યવસ્થાની સ્થિતિ વધુ સુદ્રઢ બનાવવા માટે નવો DCP ઝોન-8 કાર્યરત કરવામાં આવ્યો છે. પોલીસ કમિશનર જી.એસ. મલિકના નિર્ણય અનુસાર, આ નવા ઝોનની મુખ્ય કચેરી રામોલ પોલીસ સ્ટેશન ખાતે શરૂ કરવામાં આવશે. તાજેતરમાં નિમણૂક પામેલા IPS અધિકારી મયુર પાટીલ ઝોન-8ના પ્રથમ DCP તરીકે કાર્યભાર સંભાળશે.
Ahmedabad news:નવા ઝોન-8નું માળખું અને પોલીસ સ્ટેશનો
નવા ઝોન-8માં શહેરના સૌથી મોટા ઇન્ડસ્ટ્રીયલ અને રીંગરોડ વિસ્તારને આવરી લેવામાં આવ્યો છે. આ ઝોનમાં કુલ 6 પોલીસ સ્ટેશનનો સમાવેશ થશે:
- રામોલ (ઝોન-5 માંથી)
- નિકોલ (ઝોન-5 માંથી)
- ઓઢવ (ઝોન-5 માંથી)
- વટવા (ઝોન-6 માંથી)
- વટવા GIDC (ઝોન-6 માંથી)
- વસ્ત્રાલ (નવું બનનાર પોલીસ સ્ટેશન)
Ahmedabad news:અન્ય મહત્વના ફેરફારો
- મોટેરા પોલીસ સ્ટેશન: ઝોન-2 માં નવું મોટેરા પોલીસ સ્ટેશન બનાવવાની જાહેરાત કરવામાં આવી છે.
- હંસપુરા પોલીસ સ્ટેશન: નવા બનનારા હંસપુરા પોલીસ સ્ટેશનનો સમાવેશ ઝોન-4 માં કરવામાં આવ્યો છે.
- કૃષ્ણનગર: ઝોન-4 હેઠળ આવતું કૃષ્ણનગર પોલીસ સ્ટેશન હવે ઝોન-5 ના કાર્યક્ષેત્રમાં આવશે.
ઔદ્યોગિક પટ્ટા પર ખાસ નજર
ઝોન-8 બનાવવાનો મુખ્ય ઉદ્દેશ્ય નિકોલથી વટવા GIDC સુધીના મોટા ઔદ્યોગિક વિસ્તાર અને રીંગરોડ પર થતી ગુનાહિત પ્રવૃત્તિઓને અટકાવવાનો છે. ઓઢવ, નિકોલ અને વટવા જેવા વિસ્તારોમાં GIDC આવેલી હોવાથી ત્યાં સતત મોનિટરિંગ જરૂરી છે. એક જ DCP હેઠળ સમગ્ર ઇન્ડસ્ટ્રીયલ પટ્ટો આવવાથી વહીવટી સરળતા રહેશે અને રીંગરોડ પરની સુરક્ષા પણ વધશે.
કમિશનરની મુલાકાત અને મંજૂરી
પોલીસ કમિશનરે રામોલ પોલીસ સ્ટેશનની મુલાકાત લઈ DCP ઓફિસ માટેની જગ્યાનું નિરીક્ષણ કર્યું હતું. આ અંગેની દરખાસ્ત રાજ્ય સરકારમાં મોકલવામાં આવી છે અને ટૂંક સમયમાં તેનું સત્તાવાર નોટિફિકેશન બહાર પાડવામાં આવશે.
આ પણ વાંચો :ગુજરાતમાં ગરમીનો ‘રૌદ્ર’ અવતાર: 10 દિવસમાં જ 3 વર્ષના રેકોર્ડ તૂટ્યા,16 માર્ચ સુધી હીટવેવની આગાહી
