Market Crash: મિડલ ઈસ્ટમાં અમેરિકા, ઈઝરાયેલ અને ઈરાન વચ્ચે યુદ્ધના ભણકારા વાગતા જ આજે એટલે કે 9 માર્ચે ભારતીય શેરબજારમાં ભૂકંપ જેવી સ્થિતિ સર્જાઈ છે. અઠવાડિયાના પહેલા જ દિવસે બજાર ખૂલતાની સાથે જ રોકાણકારોમાં ભારે ગભરાટ જોવા મળ્યો હતો, જેના કારણે સેન્સેક્સ અને નિફ્ટીમાં મોટો કડાકો બોલાયો છે.
Market Crash: બજારની સ્થિતિ: ચોતરફ લાલચોળ નિશાન
- સેન્સેક્સ: લગભગ 2,300 પોઈન્ટ (2.80%) ના ઘટાડા સાથે 76,500 ના સ્તરે પહોંચી ગયો છે.
- નિફ્ટી: લગભગ 700 પોઈન્ટ (2.80%) તૂટીને 23,750 ના સ્તર પર ટ્રેડ કરી રહ્યો છે.
- કયા સેક્ટરમાં વધુ ઘટાડો: બેન્કિંગ, ઓટોમોબાઈલ, મેટલ અને એનર્જી શેર્સમાં સૌથી વધુ વેચવાલી જોવા મળી રહી છે.
Market Crash: ક્રૂડ ઓઈલ $100ને પાર: 10 દિવસમાં 48% મોંઘું
યુદ્ધના કારણે આંતરરાષ્ટ્રીય બજારમાં ક્રૂડ ઓઈલ (કાચું તેલ) સાડા ત્રણ વર્ષની ઊંચી સપાટીએ પહોંચ્યું છે.
- રવિવારે બ્રેન્ટ ક્રૂડની કિંમત 100 ડોલર પ્રતિ બેરલને પાર કરી ગઈ હતી.
- આજે તે વધુ વધીને 108 ડોલર પર પહોંચી ગયું છે.
- રાહતના સમાચાર: ભારત સરકારે સ્પષ્ટતા કરી છે કે દેશમાં તેલનો પૂરતો જથ્થો હોવાથી હાલમાં પેટ્રોલ-ડીઝલના ભાવમાં વધારો થવાની શક્યતા નથી.
ગ્લોબલ માર્કેટની અસર
માત્ર ભારત જ નહીં, પરંતુ એશિયન અને અમેરિકી બજારોમાં પણ ઘટાડો જોવા મળ્યો છે. 6 માર્ચે અમેરિકાનો ડાઉ જોન્સ અને નાસ્ડેક પણ નબળા બંધ રહ્યા હતા, જેની અસર આજે ભારતીય બજાર પર જોવા મળી રહી છે.
શેરબજારમાં કડાકાના 3 મુખ્ય કારણો:
- ઈરાન-ઈઝરાયેલ યુદ્ધ: મિડલ ઈસ્ટમાં યુદ્ધ વધવાની આશંકાથી વૈશ્વિક અનિશ્ચિતતા વધી.
- મોંઘું તેલ: ક્રૂડ ઓઈલના ભાવ વધતા મોંઘવારી વધવાનો ડર.
- ગ્લોબલ સેલિંગ: એશિયન બજારોમાં સતત થઈ રહેલી વેચવાલીની નકારાત્મક અસર.
આ પણ વાંચો :અમદાવાદમાં ભારતનો સિંહગર્જના: ન્યૂઝીલેન્ડને 96 રને હરાવી ભારત ફરી બન્યું T20 વર્લ્ડ ચેમ્પિયન!
