Attack Thwarted: અમેરિકી રાષ્ટ્રપતિ ડોનાલ્ડ ટ્રમ્પના હાઈ-પ્રોફાઈલ રિસોર્ટ ‘માર-એ-લાગો’માં રવિવારે એક સશસ્ત્ર યુવકે ઘૂસવાનો પ્રયાસ કરતા સનસનાટી મચી ગઈ છે. રિસોર્ટની સુરક્ષામાં તૈનાત સિક્રેટ સર્વિસના એજન્ટોએ સમયસૂચકતા વાપરી શંકાસ્પદ યુવકને ગોળી મારી ઠાર કર્યો છે.
Attack Thwarted: ભારે હથિયારો સાથે આવ્યો હતો યુવક
સુરક્ષા એજન્સીઓના જણાવ્યા અનુસાર, અંદાજે 20 વર્ષની વયનો આ યુવક અત્યંત જોખમી ઈરાદા સાથે આવ્યો હતો. તેની પાસે શોટગન જેવું ઘાતક હથિયાર અને હાથમાં ફ્યુઅલ કેન (બળતણનું કેન) હતું. જ્યારે તેણે રિસોર્ટના સુરક્ષિત વિસ્તાર (સિક્યોરિટી પેરીમીટર)ને તોડીને અંદર જવાનો પ્રયાસ કર્યો, ત્યારે એજન્ટે તેને રોકવા માટે ગોળી ચલાવી હતી. યુવકનું ઘટનાસ્થળે જ મોત નીપજ્યું છે.
Attack Thwarted: ઘટના સમયે ટ્રમ્પ ક્યાં હતા?
સદનસીબે, જ્યારે આ હુમલાનો પ્રયાસ થયો ત્યારે રાષ્ટ્રપતિ ડોનાલ્ડ ટ્રમ્પ રિસોર્ટમાં હાજર નહોતા. સામાન્ય રીતે તેઓ વીકેન્ડ ગાળવા અહીં આવતા હોય છે, પરંતુ આ સમયે તેઓ રાજધાની વોશિંગ્ટન ડીસીના વ્હાઇટ હાઉસમાં હતા.
Attack Thwarted: માર-એ-લાગો: જ્યાં એન્ટ્રી માટે જોઈએ 8.5 કરોડની મેમ્બરશિપ
ટ્રમ્પનો આ રિસોર્ટ વિશ્વના સૌથી સુરક્ષિત અને મોંઘા સ્થળોમાંનું એક છે.
- અહીં એન્ટ્રી માટે કાર્ડ અનિવાર્ય છે.
- લાઇફટાઇમ મેમ્બરશિપ ફી અંદાજે 8.50 કરોડ રૂપિયા છે.
- માત્ર પૈસા જ નહીં, પરંતુ વ્યક્તિનું બેંક સ્ટેટસ અને ફેમિલી બેકગ્રાઉન્ડ તપાસ્યા બાદ જ અહીં પ્રવેશ મળે છે.
તપાસ તેજ: યુવકની ઓળખ અકબંધ
સિક્રેટ સર્વિસ અને સ્થાનિક પોલીસ અત્યારે આ મામલે ઊંડી તપાસ કરી રહી છે. હજુ સુધી મૃતક યુવકની ઓળખ જાહેર કરવામાં આવી નથી કે તેનો ઈરાદો શું હતો તે સ્પષ્ટ થયું નથી. ટ્રમ્પ પર અગાઉ પણ હુમલાના પ્રયાસો થયા હોવાથી એજન્સીઓ આ ઘટનાને અત્યંત ગંભીરતાથી લઈ રહી છે.
આ પણ વાંચો :પાકિસ્તાનની અફઘાનિસ્તાન પર મોટી એરસ્ટ્રાઈક: એક જ પરિવારના 16ના મોત, તાલિબાનની વળતા પ્રહારની ચેતવણી
