Brazil President Lula da Silva in India: ભારત અને બ્રાઝિલ વચ્ચેના મજબૂત સંબંધોને વધુ ગાઢ બનાવવા માટે બ્રાઝિલના રાષ્ટ્રપતિ લુલા ડી સિલ્વા આજે 18 ફેબ્રુઆરીથી 22 ફેબ્રુઆરી સુધી ભારતના પાંચ દિવસીય રાજકીય પ્રવાસે આવી રહ્યા છે. વડાપ્રધાન નરેન્દ્ર મોદીના ખાસ આમંત્રણ પર યોજાઈ રહેલી આ મુલાકાત આર્થિક અને ટેકનોલોજીના ક્ષેત્રે અત્યંત મહત્વની માનવામાં આવે છે.
Brazil President Lula da Silva in India: વિશાળ પ્રતિનિધિમંડળ અને AI સમિટ
રાષ્ટ્રપતિ લુલા એકલા નથી આવી રહ્યા, તેમની સાથે 14 મંત્રીઓ અને 260 જેટલી કંપનીઓના માલિકો તથા અધિકારીઓનું મોટું પ્રતિનિધિમંડળ ભારત આવી રહ્યું છે.
- AI ઇમ્પેક્ટ સમિટ: 19 અને 20 ફેબ્રુઆરીએ નવી દિલ્હીમાં યોજાનારી બીજી ‘AI ઇમ્પેક્ટ સમિટ’માં રાષ્ટ્રપતિ ભાગ લેશે.
- દ્વિપક્ષીય બેઠક: 21 ફેબ્રુઆરીએ પીએમ મોદી અને લુલા ડી સિલ્વા વચ્ચે હાઈ-લેવલ બેઠક યોજાશે, જેમાં સંરક્ષણ, ઊર્જા, કૃષિ અને ડિજિટલ ઇન્ફ્રાસ્ટ્રક્ચર જેવા મુદ્દાઓ પર ચર્ચા થશે.
Brazil President Lula da Silva in India: વેપાર અને આર્થિક સંબંધો
ભારત અને બ્રાઝિલ વચ્ચેનો વેપાર સતત વધી રહ્યો છે. વર્ષ 2025માં બંને દેશો વચ્ચેનો વેપાર 15 અબજ અમેરિકી ડોલરને પાર કરી ગયો છે. તેલ અને ગેસના ક્ષેત્રમાં અમેરિકા ખંડમાં બ્રાઝિલ ભારતનું સૌથી મોટું ઇન્વેસ્ટમેન્ટ સેન્ટર છે. આ મુલાકાત દરમિયાન રોકાણ વધારવા માટે નવી સમજૂતીઓ થવાની શક્યતા છે.
ભારત-બ્રાઝિલ મૈત્રીના મુખ્ય પાસાઓ
- અવકાશ ક્ષેત્ર: ભારતે 2021માં બ્રાઝિલનો ઉપગ્રહ ‘Amazonia-1’ લોન્ચ કરીને અંતરિક્ષમાં સહયોગ સાબિત કર્યો છે.
- કૃષિ જોડાણ: ભારતની પ્રસિદ્ધ ગીર અને કાંકરેજ ગાયોની નસલ બ્રાઝિલમાં ખૂબ જ લોકપ્રિય છે.
- સાંસ્કૃતિક સેતુ: બ્રાઝિલમાં યોગ, આયુર્વેદ અને મહાત્મા ગાંધી પ્રત્યે ઊંડો આદર છે. બ્રાઝિલના ઘણા શહેરોમાં ગાંધીજીની પ્રતિમાઓ સ્થાપિત છે.
- આંતરરાષ્ટ્રીય મંચ: બંને દેશો BRICS, G20 અને સંયુક્ત રાષ્ટ્ર (UN)માં ‘ગ્લોબલ સાઉથ’નો અવાજ બુલંદ કરવા સાથે મળીને કામ કરે છે.
છઠ્ઠી ભારત મુલાકાત
રાષ્ટ્રપતિ લુલા ડી સિલ્વા માટે ભારત અજાણ્યું નથી, આ તેમની છઠ્ઠી ભારત મુલાકાત છે. તેઓ સૌપ્રથમ 2004માં પ્રજાસત્તાક દિને મુખ્ય અતિથિ તરીકે આવ્યા હતા. આ મુલાકાત બાદ તેઓ દક્ષિણ કોરિયા જવા રવાના થશે.
આ પણ વાંચો : સુરત મનપાનો સપાટો: વેરો ન ભરતા બાકીદારો સામે લાલઆંખ, એક જ દિવસમાં 168 મિલકતો સીલ
