Nitin Nabin 3Day Gujarat Visit: ભારતીય જનતા પાર્ટીના રાષ્ટ્રીય અધ્યક્ષ નીતિન નબીન આગામી 20, 21 અને 22 ફેબ્રુઆરી દરમિયાન ત્રણ દિવસ માટે ગુજરાતના પ્રવાસે આવી રહ્યા છે. ભાજપના સૌથી નાની વયના રાષ્ટ્રીય અધ્યક્ષ તરીકે કાર્યભાર સંભાળ્યા બાદ તેમનો આ પ્રવાસ સંગઠન માટે અત્યંત મહત્વનો માનવામાં આવી રહ્યો છે.
Nitin Nabin 3Day Gujarat Visit:ત્રણ દિવસીય પ્રવાસની રૂપરેખા
નીતિન નબીનનો આ પ્રવાસ માત્ર બેઠકો પૂરતો મર્યાદિત નથી, પરંતુ જનસંપર્ક અને કાર્યકર્તાઓમાં જોશ ભરવાનો પણ છે:
20 ફેબ્રુઆરી: સ્વાગતથી બજેટ બેઠક સુધી
20 ફેબ્રુઆરીએ બપોરે 12:30 વાગ્યે અમદાવાદ એરપોર્ટ પર તેમનું આગમન થશે, જ્યાં કાર્યકરો દ્વારા સ્વાગત કાર્યક્રમ યોજાશે. ત્યારબાદ બપોરે 3:30 વાગ્યે જીએમડીસી ખાતે ધારાસભ્યો અને સાંસદો સાથે મહત્વપૂર્ણ બેઠક યોજાશે. સાંજે 5:30 વાગ્યે તેઓ ગાંધીનગર ખાતે યોજાનારી બજેટ બેઠકમાં ઉપસ્થિત રહી માર્ગદર્શન આપશે.
21 ફેબ્રુઆરી: ધાર્મિક દર્શન અને યુવા સંવાદ
21મી ફેબ્રુઆરીની શરૂઆત સવારે 6 વાગ્યે અટલબ્રિજ પર મોર્નિંગ વોકથી થશે. સવારે 8:45 વાગ્યે નિકોલ ખાતે ભદ્રકાળી માતાના મંદિરે દર્શન કરશે. સવારે 11 વાગ્યે કમલમ ખાતે પદાધિકારીઓ અને દાતાઓ સાથે બેઠક યોજાશે. બપોરે 2 વાગ્યે સોશિયલ મીડિયા ટીમ સાથે સંવાદ બાદ સાંજે 4 વાગ્યે ગિફ્ટ સિટી ખાતે ‘યંગ વોઈસ સમિટ’માં યુવાનોને સંબોધન કરશે. ત્યારબાદ 5:30 વાગ્યે જીએમડીસી ખાતે ભૂતપૂર્વ સરપંચો સાથે બેઠક યોજાશે.
22 ફેબ્રુઆરી: ‘મન કી વાત’ અને દિલ્હી પ્રસ્થાન
22મી ફેબ્રુઆરીએ તેઓ રેડિયો પર પ્રસારિત થનારા ‘મન કી વાત’ કાર્યક્રમમાં ભાગ લેશે. બપોરે 12:30 વાગ્યે તેઓ દિલ્હી માટે રવાના થશે. આ ત્રણ દિવસીય પ્રવાસ દરમિયાન સંગઠન મજબૂત બનાવવું અને કાર્યકરોમાં નવી ઉર્જા ભરવાનો મુખ્ય ઉદ્દેશ રહેશે.
આ પણ વાંચો :ડ્રગ્સ માફિયાઓ પર ‘સર્જિકલ સ્ટ્રાઈક’: પોરબંદરના દરિયામાંથી 200 કિલો ડ્રગ્સ ઝડપાયું, ઈરાની કનેક્શનનો પર્દાફાશ
