New Trains Launched: ભારતીય રેલવેએ મુસાફરોની વધતી સંખ્યા અને સુવિધાઓને ધ્યાનમાં રાખીને 1 ફેબ્રુઆરીથી 20 નવી ટ્રેનો શરૂ કરવાની જાહેરાત કરી છે. આ નવી ટ્રેનો દેશના 10 રાજ્યોના 17 મહત્વપૂર્ણ શહેરોને જોડશે, જેના કારણે લાખો મુસાફરોને સીધો લાભ મળશે.
નવી ટ્રેનો શરૂ થતા દિલ્હી, શામલી, પીલીભીત, શાહજહાંપુર, રાજેન્દ્ર નગર, નવી દિલ્હી, સાબરમતી, જોધપુર, કામાખ્યા, રોહતક, સંબલપુર, ઈરોડ, પુરી, રાઉરકેલા, ધૂલે, વારાણસી અને અયોધ્યા શહેર વચ્ચે મુસાફરી વધુ સરળ, ઝડપી અને આરામદાયક બનશે.
New Trains Launched: અમૃત ભારત, વંદે ભારત અને સ્પેશિયલ ટ્રેનોનો સમાવેશ
રેલવે દ્વારા શરૂ કરાયેલી નવી સેવાઓમાં અમૃત ભારત એક્સપ્રેસ, વંદે ભારત ટ્રેન અને કેટલીક સ્પેશિયલ પેસેન્જર ટ્રેનોનો સમાવેશ થાય છે. રેલવે અધિકારીઓના જણાવ્યા મુજબ, આ તમામ ટ્રેનો માટે બુકિંગ IRCTCની વેબસાઇટ અને મોબાઇલ એપ પર શરૂ થઈ ગયું છે.
New Trains Launched: 10 રાજ્યોમાં વધશે રેલ કનેક્ટિવિટી
નવી ટ્રેનો ગુજરાત, બિહાર, રાજસ્થાન, મહારાષ્ટ્ર, ઓડિશા, હરિયાણા, તમિલનાડુ, ઉત્તર પ્રદેશ, આસામ અને દિલ્હી જેવા રાજ્યોમાં દોડશે. આ પગલાથી આંતરરાજ્ય મુસાફરી વધુ સુગમ બનશે અને વેપાર તેમજ પર્યટનને પણ પ્રોત્સાહન મળશે.
New Trains Launched: આ રૂટો પર દોડશે નવી ટ્રેનો
- દિલ્હી – શામલી મેમૂ (64033): રોજિંદા મુસાફરો માટે લાભદાયક
- પીલીભીત – શાહજહાંપુર પેસેન્જર: સ્થાનિક કનેક્ટિવિટી મજબૂત કરશે
- રાજેન્દ્ર નગર – નવી દિલ્હી અમૃત ભારત: બિહારથી દિલ્હી માટે ઉત્તમ વિકલ્પ
- સાબરમતી – જોધપુર વંદે ભારત: સમયપત્રકમાં ફેરફાર સાથે ઝડપી મુસાફરી
- કામાખ્યા – રોહતક અમૃત ભારત: પૂર્વોત્તર ભારતને હરિયાણા સાથે જોડશે
- સંબલપુર – ઈરોડ સ્પેશિયલ: ઓડિશાથી તમિલનાડુ સુધી સીધી સેવા
- પુરી – રાઉરકેલા વંદે ભારત: ઓડિશામાં ઝડપી અને આરામદાયક પ્રવાસ
- ધૂલે – વારાણસી / અયોધ્યા: તીર્થયાત્રીઓ માટે નવી સીધી રેલ સેવા
મુસાફરોને મળશે મોટો ફાયદો
નવી ટ્રેનો શરૂ થવાથી લાંબા અંતરની મુસાફરીમાં સમય બચશે, ભીડમાં ઘટાડો થશે અને મુસાફરોને આધુનિક સુવિધાઓનો લાભ મળશે. ખાસ કરીને નોકરીયાત, વિદ્યાર્થીઓ અને તીર્થયાત્રીઓ માટે આ નિર્ણય ખૂબ જ લાભદાયક સાબિત થશે.
આ પણ વાંચો :1 એપ્રિલથી આવક અને જાતિ સહિતના 18 પ્રમાણપત્રો ઓનલાઈન મળશે, 80 લાખ પરિવારને સીધો લાભ
