Donald Trump Threat India :યુએસના પૂર્વ પ્રમુખ ડોનાલ્ડ ટ્રમ્પે ફરી એકવાર ભારતને લઈને કડક નિવેદન આપ્યું છે. રશિયા પાસેથી તેલ આયાત મુદ્દે ભારત પર દબાણ વધારતા ટ્રમ્પે ચેતવણી આપી છે કે જો નવી દિલ્હી રશિયન તેલ ખરીદવાનું બંધ નહીં કરે તો ભારતીય આયાત પર ટેરિફ વધારી શકાય છે. ટ્રમ્પના આ નિવેદનથી ભારત-અમેરિકા વેપાર સંબંધોમાં ફરી તણાવ જોવા મળ્યો છે.
Donald Trump Threat India :“ટેરિફ ટૂંક સમયમાં વધારી શકીએ” – ટ્રમ્પ
ભારતની રશિયન તેલ આયાત અંગે વાત કરતા ડોનાલ્ડ ટ્રમ્પે જાહેર સંબોધનમાં કહ્યું,
“તેઓ ખરેખર મને ખુશ કરવા માંગતા હતા. પીએમ મોદી ખૂબ જ સારા માણસ છે. તેઓ જાણતા હતા કે હું ખુશ નથી. મને ખુશ કરવું મહત્વપૂર્ણ હતું. અમે તેમના પર ટેરિફ ખૂબ જ ટૂંક સમયમાં વધારી શકીએ છીએ.”
ટ્રમ્પે સોમવારે સ્પષ્ટ શબ્દોમાં કહ્યું હતું કે જો ભારત “રશિયન તેલ મુદ્દા” પર સહયોગ નહીં આપે તો યુએસ ભારતીય આયાત પર હાલના ટેરિફમાં વધારો કરી શકે છે.
Donald Trump Threat India :ઓગસ્ટ 2025માં ટેરિફ બમણાની વાત
ટ્રમ્પે રશિયા સાથે ભારતના તેલ વેપારનો ઉલ્લેખ કરતાં જણાવ્યું કે ઓગસ્ટ 2025માં ભારત પર ટેરિફ બમણા કરીને 50 ટકા કરવાનો વિચાર પણ રશિયન તેલ વેપારને કારણે કરવામાં આવ્યો હતો. ટ્રમ્પ વહીવટીતંત્ર લાંબા સમયથી ભારત-રશિયા ઊર્જા સંબંધોનો વિરોધ કરતું આવ્યું છે.
મોદી સાથે વાતચીતના દાવા પર વિવાદ
ટ્રમ્પે દાવો કર્યો હતો કે વડા પ્રધાન નરેન્દ્ર મોદીએ તેમને ખાતરી આપી હતી કે ભારત રશિયા પાસેથી તેલ ખરીદવાનું બંધ કરશે. જોકે ભારત સરકાર દ્વારા અગાઉ જ આ દાવાને નકારી કાઢવામાં આવ્યો હતો અને સ્પષ્ટ કરવામાં આવ્યું હતું કે ટ્રમ્પ અને મોદી વચ્ચે આવી કોઈ ચર્ચા થઈ નથી.
રશિયા ભારતનો સૌથી મોટો તેલ સપ્લાયર
રશિયા હાલ ભારતનો સૌથી મોટો તેલ સપ્લાયર છે. ટ્રમ્પ વહીવટીતંત્રના અધિકારીઓએ અગાઉ આરોપ લગાવ્યો હતો કે રશિયા ભારત સાથેના તેલ વેપારમાંથી મળતી આવકનો ઉપયોગ યુક્રેન યુદ્ધને વેગ આપવા માટે કરી રહ્યું છે. સાથે જ એવો પણ આરોપ મૂકાયો હતો કે ભારત આ તેલને ફરી વેચીને અબજો રૂપિયાનું નફો કમાઈ રહ્યું છે.
પુતિન પર દબાણ લાવવાની રણનીતિ?
વિશ્લેષકો માને છે કે ટ્રમ્પ દ્વારા ભારત પર ભારે ટેરિફ લાદવાની ધમકી મુખ્યત્વે રશિયાના પ્રમુખ વ્લાદિમીર પુતિન પર દબાણ લાવવાની વ્યૂહરચનાનો ભાગ છે. જો કે ભારત પોતાની ઊર્જા સુરક્ષા અને રાષ્ટ્રીય હિતોને ધ્યાનમાં રાખીને નિર્ણય લેતું આવ્યું છે.
