Sir Gujarat :ગુજરાતમાં સ્થાનિક સ્વરાજ્યની ચૂંટણીઓ નજીક આવતાં રાજ્ય ચૂંટણી પંચ આજે SIR (સ્પેશિયલ ઇન્સેન્ટિવ રિવિઝન) અભિયાન અંતર્ગત તૈયાર કરેલી ડ્રાફ્ટ મતદાર યાદી જાહેર કરશે. આ અભિયાન 27 ઓક્ટોબરે શરૂ કરવામાં આવ્યું હતું, જેમાં રાજ્યના કુલ 5.08 કરોડ મતદારોને ફોર્મ વહેચવામાં આવ્યા હતા, જ્યારે અત્યાર સુધીમાં 4.34 કરોડ ફોર્મ પરત મળ્યાં છે. તેમ છતાં, 44.45 લાખ મતદારોનું મેપિંગ હજુ બાકી છે.
Sir Gujarat :SIR અભિયાનની ભૂમિકા અને વિવાદ
SIR અભિયાન દરમિયાન સ્થાનિક કાર્ય અને વધતા કામના બોજને કારણે પાંચ જેટલા બુથ લેવલ ઓફિસરોના મૃત્યુ થયા હતા, જે કાર્યક્ષેત્ર માટે મોટી પડકારરૂપ સ્થિતિ ઉભી કરી. આ ઉપરાંત, રાજ્ય ચૂંટણી પંચ સામે અનેક પ્રશ્નો ઉઠ્યા અને વિવાદો થયા.
Sir Gujarat :મતદારોની સ્થિતિ
અભિયાન દરમિયાન આંકડા પ્રમાણે:
- 18,07,227 મતદારો મૃત્યુ પામ્યા
- 9,69,813 મતદારો પોતાના સરનામે ગેરહાજર
- 3,81,534 મતદારોના નામ બે અલગ-અલગ સ્થળે નોંધાયેલા
બે સ્થળે નામ નોંધાવવું કાયદેસર ગુનો ગણાય છે, અને ઘણા લોકો હવે સામે આવીને પોતાના નામ ચૂંટણી યાદીમાંથી દૂર કરાવી રહ્યા છે.
ડ્રાફ્ટ યાદી બાદની પ્રક્રિયા
- જો કોઈ મતદારનું નામ યાદીમાં ન હોય, તો તે પુરાવા સાથે ફોર્મ-6 ભરી શકે છે
- 19 ડિસેમ્બરથી 18 જાન્યુઆરી સુધી મતદારો રાજ્ય ચૂંટણી પંચ સામે વાંધા રજૂ કરી શકે છે
- ઉમેદવારો અને નાગરિકોને અપીલ કરવામાં આવી છે કે ડ્રાફ્ટ યાદી જાહેર થયા બાદ તમામ વિગતો ચકાસી લે
ચૂંટણી પૂર્વ તૈયારી
રાજ્ય ચૂંટણી પંચે નાગરિકોને અનુરોધ કર્યો છે કે આ તકનો ઉપયોગ કરીને પોતાના નામની ખાતરી કરે જેથી આવનારી સ્થાનિક સ્વરાજ્યની ચૂંટણીમાં કોઈ મતદાર મતાધિકારથી વંચિત ન રહે.
