Bihar Elections 2025:બિહાર વિધાનસભા ચૂંટણી 2025ના પરિણામોએ રાજ્યની રાજકીય ગણિતમાં મોટો ફેરફાર કર્યો છે. નેશનલ ડેમોક્રેટિક એલાયન્સ (NDA) ગઠબંધને પ્રચંડ બહુમતી હાંસલ કરી છે અને સત્તા વિરોધી લહેરની તમામ અટકળોને ખોટી સાબિત કરી દીધી છે. બીજી તરફ મહાગઠબંધન (MGB) આંતરિક વિખવાદ અને બિનવ્યવસ્થિત સંચાલનના કારણે મતદારોમાં વિશ્વાસનું સંદેશ આપવા નિષ્ફળ રહ્યું.
આ વિજય કોઈ સંયોગ નહીં પરંતુ એક સુગઠિત વ્યૂહરચના, સામાજિક સંકલન અને સમયસર રાજકીય નિર્ણયોનું પરિણામ છે. ચાલો NDAના આ જંગી વિજય પાછળના 6 મુખ્ય કારણો પર નજર કરીએ.
Bihar Elections 2025:આ પરિબળોએ મળીને NDAને બિહારમાં સ્પષ્ટ, મજબૂત અને ઇતિહાસ રચનાર વિજય અપાવ્યો
1. પીએમ મોદીનું અભેદ્ય કવચ અને ડબલ એન્જિન સરકારની અસર
પીએમ નરેન્દ્ર મોદીની લોકપ્રિયતા NDA માટે સૌથી મોટા બળ રૂપે સાબિત થઈ. તેમણે ચૂંટણીને કેન્દ્રીય નેતૃત્વ સામે રાજ્યની અસ્થિરતા તરીકે રજૂ કરી અને ‘ડબલ એન્જિન’ મોડલને મતદારો સુધી અસરકારક રીતે પહોંચાડ્યું.
2. NDAના નેતૃત્વ પર એકતાની મોહર
NDAએ ચૂંટણી પહેલા જ સ્પષ્ટ કરી દીધું હતું કે નીતિશ કુમાર જ મુખ્યમંત્રી પદના ચહેરા રહેશે, જેનાથી ગઠબંધન એકસૂત્રતામાં દેખાયું. તેની સામે મહાગઠબંધનમાં નાયબ મુખ્યમંત્રી પદ પર ચૂંટણી પહેલા અને બાદમાં વિવાદ ઊભો થયો.
3. સમયસર ટિકિટ વિતરણ અને સંગઠિત તૈયારી
NDAએ સમયસર બેઠકોએ જાહેરાત કરી, ટિકિટ વિતરણમાં જાતિ સંતુલનનું ધ્યાન રાખવામાં આવ્યું. કાર્યકરોને પૂરતો સમય મળ્યો અને ગઠબંધનમાં સ્પષ્ટતા હોવાથી પ્રચારમાં ગતિ આવી.
4. ‘જીવિકા દીદી’ ફેક્ટર અને મહિલાઓનો મૌન મત
‘જીવિકા દીદી’ યોજના NDA માટે ગેમચેન્જર સાબિત થઈ. મહિલાઓમાં સરકાર પ્રત્યે વિશ્વાસ વધ્યો. દારૂબંધી અને 10,000 રૂપિયાનું પ્રોત્સાહન સીધું લાભાર્થીોને જોડતું રહ્યું.
5. MGBની બેઠક વહેંચણીમાં વીણઝાર અને વિલંબ
મહાગઠબંધન બેઠક વહેંચણીમાં અંતિમ ક્ષણ સુધી ખેંચતાણમાં ફસાયું, કાર્યકરોનું મનોબળ તૂટ્યું અને આંતરિક ભંગાણનો સંદેશ જનતામાં ગયો. બળવો અને અસંતુષ્ટોનો સીધો ફાયદો NDAને મળ્યો.
6. EBC અને મહાદલિત મતદારોનો અડગ ટેકો
નીતીશ કુમારની સામાજિક ઈજનેરી ફરી સફળ રહી. અત્યંત પછાત વર્ગો (EBC) અને મહાદલિતો વિકાસ, કલ્યાણ અને સ્થિરતા આધારિત મતદાન સાથે NDA સાથે અડગ રહ્યા.
આ પરિબળોએ મળીને NDAને બિહારમાં સ્પષ્ટ, મજબૂત અને ઇતિહાસ રચનાર વિજય અપાવ્યો છે. આ ચૂંટણી એ સાબિત કરે છે કે સંગઠિત નેતૃત્વ, સમયસર નિર્ણયો અને વ્યૂહાત્મક સામાજિક જોડાણ રાજકીય સફળતાનો કેન્દ્ર છે.
વધુ સમાચાર જોવા માટે અહી ક્લિક કરો
