Shikhar Dhawan: જ્યારે શિખર ધવન મેદાન પર આવ્યો ત્યારે આખું સ્ટેડિયમ ઉત્સાહથી ભરાઈ ગયું હતું. પોતાના બેટથી તાકાત દેખાડનાર અને ચોગ્ગા અને છગ્ગા ફટકારનાર આ ખેલાડીનું વ્યક્તિત્વ એવું છે કે તેને દૂરથી જોઈને જ વ્યક્તિ પ્રભાવિત થઈ જાય છે. પરંતુ એવું કહેવાય છે કે પુરુષો પોતાનું દુ:ખ બતાવતા નથી અને આવું જ ધવન વિશે પણ કહી શકાય.
શિખર ધવને આંતરરાષ્ટ્રીય અને સ્થાનિક ક્રિકેટમાંથી નિવૃત્તિ લઈ લીધી છે. તેણે સોશિયલ મીડિયા દ્વારા આ માહિતી આપી હતી. શનિવાર, 24 ઓગસ્ટની સવારે, તેણે એક વીડિયો શેર કર્યો જેમાં તેણે નિવૃત્તિની જાહેરાત કરી અને તમામ ચાહકોનો આભાર માન્યો.
હવે તેણે તે રમતને અલવિદા કહી દીધું છે જેને તે પોતાનું જીવન માનતો હતો. ધવનની આંતરરાષ્ટ્રીય ક્રિકેટના ત્રણેય ફોર્મેટમાંથી નિવૃત્તિની ઘોષણાથી બધાને આંચકો લાગ્યો છે. અંગત જીવનમાં ઘણી બધી બાબતોમાંથી પસાર થઈ રહેલા શિખરના મનમાં શું ચાલતું હશે, આ માહિતી શેર કરતી વખતે તેનો હસતો ચહેરો જોઈને અનુમાન લગાવવું મુશ્કેલ છે.
ધવન (Shikhar Dhawan) નો પ્રેમ, લગ્ન અને મુશ્કેલીભર્યું જીવન
શિખર ધવન આયેશા મુખર્જીને પ્રેમ કરતો હતો, જે પહેલેથી જ છૂટાછેડા લઈ ચૂકી છે અને બે દીકરીઓની માતા છે, અને પછી તેને વર્ષ 2012માં પોતાની લાઈફ પાર્ટનર બનાવી હતી. પરંતુ લગભગ સાત વર્ષ પછી મામલો છૂટાછેડા સુધી પહોંચ્યો અને આ સાથે જ તેમની જિંદગી બધાની નજર સામે તૂટવા લાગી.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
