HAJ YATRA : મક્કામાં ગરમીએ તોડ્યા તમામ રેકોર્ડ, 50 ડિગ્રી તાપમાન, અત્યાર સુધી 550 હજ યાત્રીઓના મોત

HAJ YATRA : આ વર્ષે ગરમીએ તમામ રેકોર્ડ તોડી નાખ્યા છે. તાપમાન 50 ડિગ્રી સેલ્સિયસને પાર કરી ગયું છે. સખત તડકાથી દરેક લોકો પરેશાન છે. ત્યારે આ ગરમી હજ યાત્રીઓ માટે મુસીબત બની ગઈ છે. હજ યાત્રા દરમિયાન અત્યાર સુધીમાં ઓછામાં ઓછા 550 શ્રદ્ધાળુઓના મોત થયા છે. રાજદ્વારીઓએ મંગળવારે આ માહિતી આપી હતી.

HAJ YATRA :  મૃતકોમાં મોટાભાગના ઇજિપ્તના નાગરિકો

બે આરબ રાજદ્વારીઓએ દ્વારા આ માહિતી સામે આવી છે, તેમણે જણાવ્યું હતું કે મોટાભાગના મૃત્યુ ગરમી સંબંધિત રોગોને કારણે થયા છે. મૃત્યુ પામેલા લોકોમાં, 323 એકલા ઇજિપ્તના નાગરિકો હતા.   

HAJ YATRA :  જોર્ડનના ઘણા લોકોના મોત

સાઉદી અરેબિયામાં હજ કરવા ગયેલા ઓછામાં ઓછા 60 જોર્ડન યાત્રીઓ સખત ગરમીના કારણે મૃત્યુ પામ્યા હતા. મંગળવારે અમ્માને સત્તાવાર રીતે 41 લોકોના મોતની જાણ કરી હતી. એક અહેવાલ અનુસાર, આ નવા મૃત્યુ સાથે ઘણા દેશો દ્વારા અત્યાર સુધીમાં નોંધાયેલા મૃત્યુની કુલ સંખ્યા 577 પર પહોંચી ગઈ છે.

HAJ YATRA :  લાખો હજયાત્રીઓ હજ કરી રહ્યા છે

હજ એ વિશ્વના સૌથી મોટા ધાર્મિક મેળાવડાઓમાંનું એક છે. તે ઇસ્લામના પાંચ સ્તંભોમાંથી એક માનવામાં આવે છે. એવું કહેવાય છે કે તમામ મુસ્લિમોએ ઓછામાં ઓછા એક વખત હજ યાત્રા પર જવું જોઈએ. વાર્ષિક હજ યાત્રા દરમિયાન તાપમાન 40 ડિગ્રી સેલ્સિયસથી વધી ગયું છે, જેમાં આ વર્ષે લગભગ 18 લાખ મુસ્લિમો ભાગ લઈ રહ્યા છે.

HAJ YATRA :  હીટ સ્ટ્રોક

ગયા મહિને પ્રકાશિત થયેલા સાઉદી અધ્યયન અનુસાર, હવામાન પરિવર્તનની અસર હજ યાત્રા પર પડી રહી છે. જે વિસ્તારમાં ધાર્મિક વિધિઓ કરવામાં આવે છે ત્યાં તાપમાન દર દાયકામાં 0.4 °C (0.72 °F) વધી રહ્યું છે. સાઉદી રાષ્ટ્રીય હવામાન કેન્દ્રે જણાવ્યું હતું કે સોમવારે મક્કાની ગ્રાન્ડ મસ્જિદમાં તાપમાન 51.8 ડિગ્રી સેલ્સિયસ (125 ફેરનહીટ) પર પહોંચી ગયું હતું.

લેટેસ્ટ સમાચાર માટે અહી કલિક કરો

યુ-ટ્યુબ ચેનલમાં શોર્ટ્સ જોવા અહીં કલિક કરો

ગુજરાતના મહત્વના સમાચાર માટે અહીં ક્લિક કરો

રોમાંચક સમાચાર માટે અહીં ક્લિક કરો