Cyclone : બંગાળની ખાડીમાં એક ગંભીર ચક્રવાતી તોફાન ‘રેમલ’ બની રહ્યું છે. તે 26 મેના રોજ પશ્ચિમ બંગાળ અને તેની નજીકના બાંગ્લાદેશના દરિયાકાંઠે પહોંચે તેવી શક્યતા છે. હવામાન વિભાગે ગુરુવારે આ માહિતી આપી હતી. ચક્રવાતી વાવાઝોડાને કારણે પશ્ચિમ બંગાળ ઉત્તર 24 પરગણા, દક્ષિણ 24 પરગણા અને પૂર્વ મિદનાપુરના દરિયાકાંઠાના જિલ્લાઓના ઘણા વિસ્તારોમાં ભારે વરસાદ પડશે. જ્યારે કેટલાક વિસ્તારોમાં હળવાથી મધ્યમ વરસાદની શક્યતા છે.
Cyclone : અનેક રાજ્યોમાં ધોધમાર વરસાદની આગાહી
આઈએમડીએ કહ્યું કે રવિવારે ગંભીર ચક્રવાત ‘રેમલ’ વાવાઝોડાના રૂપમાં બાંગ્લાદેશ અને તેની નજીકના બંગાળના દરિયાકાંઠે ત્રાટકશે. ચક્રવાતને કારણે 102 કિલોમીટર પ્રતિ કલાકની ઝડપે પવન ફૂંકાઈ શકે છે.હવામાન વિભાગે કહ્યું કે ચક્રવાતી તોફાન રેમલને કારણે પશ્ચિમ બંગાળ, ઉત્તર ઓડિશા, મિઝોરમ, ત્રિપુરા અને દક્ષિણ મણિપુરના દરિયાકાંઠાના જિલ્લાઓમાં 26-27 મેના રોજ ભારે વરસાદ (Rain) પડી શકે છે.
Cyclone : IMDએ દરિયામાં માછીમારી કરવા ગયેલા માછીમારોને 27 મે સુધી કિનારે પાછા ફરવા અને બંગાળની ખાડીમાં ન જવાની સલાહ આપી છે.IMDએ જણાવ્યું કે 27 મે, 2024ના રોજ આસામ, મેઘાલય અને અરુણાચલ પ્રદેશમાં ભારેથી અતિ ભારે વરસાદ (Rain) (115.5-204.5 mm) થઈ શકે છે.
Cyclone : ગુજરાત સહીત અનેક રાજ્યોમાં હીટવેવની આગાહી
હવામાન વિભાગે જણાવ્યું હતું કે રાજસ્થાન, પંજાબ, હરિયાણા, દિલ્હી અને પશ્ચિમ ઉત્તર પ્રદેશના કેટલાક ભાગોમાં ગરમીના મોજાને કારણે તીવ્ર ગરમીની સંભાવના છે.IMD એ 27 મે, 2024 ના રોજ જમ્મુ અને કાશ્મીર, હિમાચલ પ્રદેશ, પૂર્વી ઉત્તર પ્રદેશ, મધ્ય પ્રદેશ અને વિદર્ભના જુદા જુદા સ્થળોએ ગરમીની લહેરની આગાહી કરી છે.હવામાન વિભાગે જણાવ્યું હતું કે શુક્રવાર (24 મે, 2024) ના રોજ ગુજરાત, સૌરાષ્ટ્ર અને કચ્છના વિવિધ ભાગોમાં હીટ વેવની સ્થિતિની સંભાવના છે.
Cyclone : વાવાઝોડા પહેલા શું કરવું ?
- સમાચારો-ચેતવણીઓ સાંભળતા રહો
- રહેઠાણની મજબુતીની ખાતરી કરો અને બાંધકામને લગતી ક્ષતિઓ દૂર કરો
- મોબાઇલ ફુલ ચાર્જ કરીને રાખો.
- ઢોર-ઢાંખરને ખૂંટાથી છૂટા કરી દો.
- માછીમારોને દરિયામાં જવું નહીં
- આશ્રય માટે ઉંચા સ્થળો ધ્યાનમાં રાખો
- નાસ્તો, પાણી, ધાબળા, કપડા અને પ્રાથમિક સારવારની કીટ તૈયાર રાખો
- અગત્યના ટેલીફોન નંબર સાથે રાખો.
વાવાઝોડા દરમિયાન શું કરવું ?
- વીજળીના થાંભલાઓથી દુર રહો
- દરિયા નજીક, આફત સમયે ઝાડ નીચે કે વીજળીની લાઇનો નજીક ઉભા રહો નહીં
- જર્જરીત મકાન કે વૃક્ષ નીચે આશ્રય ન લેવા માટે સમજ આપવી
- વાવાઝોડા સમયે બહાર નિકળવાનું સાહસ કરવું નહીં
- વાવાઝોડાના સમયે રેલ મુસાફરી કે દરિયાઇ મુસાફરી હિતાવહ નથી
વાવાઝોડા બાદ શું કરવું ?
- સૂચના મળ્યા પછી જ બહાર નીકળવું
- ઇજા પામેલાઓને પ્રાથમિક સારવાર આપી દવાખાને ખસેડવા.
- અજાણ્યા પાણીમાંથી પસાર થવું નહીં
- કાટમાળમાં ફસાયેલાઓને બચાવ કરો.
- ખુલ્લા પડેલા વાયરોને અટકવું નહીં.
- ક્લોરીનયુક્ત પીવાના પાણીનો ઉપયોગ કરવો.
- ગંદા ભરાયેલા પાણીમાં દવાનો છંટકાવ કરવો.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
