Youtuber Vivek Bindra Wife Case: ‘नाम बड़े और दर्शन छोटे’ આ કહેવત એ લોકો માટે છે જે આજ-કાલ એક ગાંડા પ્રવાહમાં આગળ વધી રહ્યા છે અને અંધાળા બનીને લોકોને ફોલો કરી રહ્યા છે. અમે અહી વાત કરી રહ્યા છે એવા ‘મોટિવેશનલ સ્પીકર’ની જેના અનેક ફોલોવાર્સ છે અને જે બધાને સલાહ-સૂચન આપી કહે છે કે જીવનમાં શું કરવું અને શું ના કરવાનું, તેની પોતાની જ કરતૂતો જોવા લાયક બની છે. અહી વાત છે ‘મોટિવેશનલ સ્પીકર’ વિવેક બિન્દ્રાની – જેના પર તેમની જ પત્નીએ પોલીસ ફરિયાદ નોંધાવી છે.
વિવેક બિન્દ્રા અને માતા સાથેના ઝગડામાં વહુ વચ્ચે આવી (Vivek Bindra Wife)
‘મોટિવેશનલ સ્પીકર’ વિવેક બિન્દ્રા વિરુદ્ધ સેક્ટર-126 પોલીસ સ્ટેશનમાં તેની પત્ની પર હુમલો કરવાનો કેસ નોંધવામાં આવ્યો છે. વિવેક બિન્દ્રા અને યાનિકા (Vivek Bindra Wife) ના લગ્ન આ મહિને 6ઠ્ઠી ડિસેમ્બરે થયા હતા. લગ્નના બીજા જ દિવસે એટલે કે 7મી ડિસેમ્બરે સવારે બિન્દ્રા અને તેની માતા પ્રભા વચ્ચે ઉગ્ર બોલાચાલી થઈ હતી. જ્યારે યાનિકા દરમિયાનગીરી કરવા આગળ આવી ત્યારે બિન્દ્રાએ તેના પર હુમલો કર્યો. આ હુમલામાં યાનિકાને ઈજા થઈ હોવાના અહેવાલ છે. યાનિકાની દિલ્હીની એક ખાનગી હોસ્પિટલમાં સારવાર ચાલી રહી છે.
પોલીસની લાપરવાહીથી વિવેક બિન્દ્રા ફરાર
વિવેક બિન્દ્રા વિરુદ્ધ તેની પત્ની યાનિકાના ભાઈ વૈભવ (Vaibhav ) દ્વારા 14 ડિસેમ્બરે ફરિયાદ દાખલ કરવામાં આવી હતી. પરંતુ કેસ નોંધાયા બાદ નોઈડા પોલીસે તાત્કાલિક કોઈ કાર્યવાહી કરી ન હતી અને હવે આરોપી વિવેક બિન્દ્રા ફરાર થઈ ગયો છે. તેની શોધખોળ ચાલુ છે.
યાનીકાએ શું લખાવ્યું FIR
એફઆઈઆર મુજબ, બિન્દ્રા કથિત રીતે યાનિકા (Vivek Bindra Wife) ને એક રૂમની અંદર લઈ ગયા, તેના વાળ ખેંચ્યા અને તેના પર હુમલો કર્યો. બિન્દ્રાએ કથિત રીતે તેનો ફોન પણ તોડી નાખ્યો હતો. આરોપ છે કે યાનિકાને એટલી હદે મારવામાં આવી હતી કે તેના કાનનો પડદો પણ ફાટી ગયો હતો. કેસ નોંધાયા બાદ પોલીસે મામલાની તપાસ શરૂ કરી હતી.
ઇન્સ્ટાગ્રામ પર બિન્દ્રાના લાખો ફોલોઅર્સ
તમને જણાવી દઈએ કે બિન્દ્રા બડા બિઝનેસ પ્રાઈવેટ લિમિટેડ (BBPL)ના CEO છે અને તેમને YouTube અને Instagram પર લાખો લોકો ફોલો કરે છે. તાજેતરમાં, યુટ્યુબર સંદીપ મહેશ્વરીએ તેની યુટ્યુબ ચેનલ પર “મોટા કૌભાંડનો પર્દાફાશ” શીર્ષકનો વિડિયો રજૂ કર્યો હતો. જેમાં કેટલાક વિદ્યાર્થીઓએ બિન્દ્રાની કંપની દ્વારા છેતરપિંડી થઈ હોવાનો દાવો પણ કર્યો હતો.
વિવેક બિન્દ્રાની પહેલી પત્ની ગીતિકા સબરવાલ સાથે પણ વિવાદ
રિપોર્ટ્સ અનુસાર, યાનિકા વિવેક બિન્દ્રાની બીજી પત્ની છે. વિવેક બિન્દ્રાની પહેલી પત્નીનું નામ ગીતિકા સબરવાલ છે. બિન્દ્રાનો તેની પ્રથમ પત્ની સાથે વિવાદ ચાલી રહ્યો છે. બંનેનો કેસ કોર્ટમાં પેન્ડિંગ છે.
ગીતિકા બિન્દ્રા ફરીદાબાદની ઓમેક્સ હાઇટ્સ સોસાયટીની રહેવાસી છે. પતિ વિવેક બિન્દ્રા સાથે વિવાદ બાદ તેણે ફરીદાબાદ પોલીસ સ્ટેશન સેન્ટ્રલમાં ફરિયાદ નોંધાવી હતી. તેણીની ફરિયાદમાં કહેવામાં આવ્યું છે કે તેના પતિ વિવેક બિન્દ્રા સાથે ઘણા વર્ષોથી વિવાદ ચાલી રહ્યો હતો. ગીતિકાએ વિવેક બિન્દ્રા સામેની ફરિયાદમાં કહ્યું હતું કે તેને ડર છે કે તેના જીવને જોખમ છે. બંનેને એક પુત્ર પણ છે.
વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો અને હિંદી સમાચાર વાંચવા – અહી ક્લિક કરો
