December 2023 : ડિસેમ્બર 2023 ઘણા મહત્વના કામ પૂરા કરવા માટે પણ છેલ્લો મહિનો છે આવી સ્થિતિમાં જો 31 ડિસેમ્બર સુધીમાં આ કામો પૂરા નહીં કરો તો આર્થિક મુશ્કેલીઓનો સામનો કરવો પડી શકે છે. તો ચાલો એક નજર કરીએ 31 ડીસેમ્બર બાદ શું શું બદલવા જઈ રહ્યું છે ?
વર્ષ 2023 સમાપ્ત થવામાં અને વર્ષ 2024 શરૂ થવામાં માત્ર થોડા દિવસો બાકી છે. ડીસેમ્બર ઘણા મહત્વના કામ પૂરા કરવા માટે પણ છેલ્લો મહિનો છે અને ઘણા કામોની મુદત 31મી ડિસેમ્બરે પૂરી થઈ રહી છે. આવી સ્થિતિમાં જો તમે 31 ડિસેમ્બર સુધીમાં આ કામો પૂરા નહીં કરો તો આર્થિક મુશ્કેલીઓનો સામનો કરવો પડી શકે છે. તેમાં ઈન્કમ ટેક્સ રિટર્ન (ITR) ભરવાથી લઈને મ્યુચ્યુઅલ ફંડ એકાઉન્ટમાં નોમિનેશન સુધીની દરેક બાબતોનો સમાવેશ થાય છે. ચાલો જાણીએ આ કામો વિશે…
December 2023 બાદ આવશે બદલાવ
અપડેટ કરેલ ITR – December 2023
આવકવેરો ભરવાની છેલ્લી તારીખ 31 જુલાઈ 2023 હતી. જો તમે છેલ્લી તારીખ સુધીમાં આ કામ ન કર્યું હોય, તો તમારી પાસે 31 ડિસેમ્બર સુધીની તક છે. અપડેટેડ ITR આ છેલ્લી તારીખ સુધી લેટ ફી સાથે ફાઇલ કરી શકાય છે. આવક પ્રમાણે દંડ ભરવો પડશે. જો કરદાતાની આવક 5,00,000 રૂપિયાથી વધુ હોય તો 5,000 રૂપિયા સુધીનો દંડ ભરવો પડશે, જ્યારે આવક 5,00,000 રૂપિયાથી ઓછી હશે તો 1000 રૂપિયાનો દંડ ભરવો પડશે.
મ્યુચ્યુઅલ ફંડ નોમિનેશન – December 2023
જો તમે મ્યુચ્યુઅલ ફંડમાં રોકાણ કર્યું છે, તો 31 ડિસેમ્બરની તારીખ ખૂબ જ મહત્વપૂર્ણ છે. વાસ્તવમાં આ છેલ્લી તારીખ પહેલાં તમારે તમારા એકાઉન્ટમાં નોમિની ઉમેરવાની જરૂર છે. જો તમે આમ નહીં કરો તો તમારું મ્યુચ્યુઅલ ફંડ એકાઉન્ટ ફ્રીઝ થઈ શકે છે. ડીમેટ ખાતા ધારક માટે પણ આ કરવું જરૂરી છે.
December 2023 બાદ તમારું UPI ID બંધ થઈ શકે છે
નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ Google Pay, PhonePe અથવા Paytm ના એવા UPI ID ને નિષ્ક્રિય કરવાનો નિર્ણય લીધો છે જેનો ઉપયોગ એક વર્ષ કે તેથી વધુ સમયથી કરવામાં આવ્યો નથી. જો તમારી પાસે પણ UPI ID છે જેનો તમે એક વર્ષથી વધુ સમયથી ઉપયોગ કર્યો નથી, તો તે 31 ડિસેમ્બર પછી બંધ થઈ જશે.
લોકર કરાર -December 2023
સ્ટેટ બેંક ઓફ ઈન્ડિયા (SBI) અને બેંક ઓફ બરોડા (BOB)માં બેંક લોકર ધરાવતા ગ્રાહકોએ બેંક સંબંધિત એક મહત્વપૂર્ણ કાર્ય 31 ડિસેમ્બર સુધીમાં પૂર્ણ કરવાનું રહેશે. આરબીઆઈ દ્વારા તમામ બેંકોને તેમના ગ્રાહકોને બેંક લોકર માટે નવા કરાર પર હસ્તાક્ષર કરવા માટે કહેવામાં આવ્યું છે. જો તમારી પાસે પણ SBI અથવા બેંક ઓફ બરોડામાં બેંક લોકર છે, તો તમારે આગામી 14 દિવસમાં આ મહત્વપૂર્ણ કાર્ય પૂર્ણ કરવું પડશે.
SBI સ્કીમની છેલ્લી તારીખ -December 2023
SBI અમૃત કલશ યોજના, સ્ટેટ બેંક ઓફ ઈન્ડિયા (SBI) ની વિશેષ FD યોજનાની છેલ્લી તારીખ 31 ડિસેમ્બર છે. આ 400 દિવસની FD સ્કીમ પર ઉપલબ્ધ મહત્તમ વ્યાજ દર 7.60% છે. આ વિશેષ FD પર પાકતી મુદતનું વ્યાજ કાપવામાં આવશે અને TDS બાદ ગ્રાહકના ખાતામાં જમા કરવામાં આવશે. આવકવેરા કાયદા હેઠળ લાગુ પડતા દરે TDS વસૂલવામાં આવશે.
તમે આ પણ વાંચી શકો છો
stock markets : શેરબજાર કકડભુસ, રોકાણકારોના 9.32 લાખ કરોડ ડૂબ્યા
