બિહારના ડેપ્યુટી સીએમ તેજસ્વી યાદવે કરી સુપ્રીમ કોર્ટમાં અરજી
સુપ્રીમ કોર્ટ 6 નવેમ્બરે કરી શકે છે સુનાવણી
માનહાનિ કેસમાં સુપ્રીમ કોર્ટમાં કરી અરજી
બિહારના ડેપ્યુટી સીએમ તેજસ્વી યાદવ માનહાનિ કેસમાં સુપ્રીમ કોર્ટમાં અરજી કરી છે.બિહારના ડેપ્યુટી સીએમ તેજસ્વી યાદવે શનિવારે અમદાવાદ ટ્રાયલ કોર્ટને માહિતી આપી હતી કે તેમણે માનહાનિના કેસને ટ્રાન્સફર કરવા માટે સુપ્રીમ કોર્ટમાં અરજી કરી છે. સુપ્રીમ કોર્ટ આ કેસની સુનાવણી 6 નવેમ્બરે કરી શકે છે. આરજેડી નેતાએ તેમના વકીલ દ્વારા ટ્રાયલ કોર્ટમાંથી કેસમાં હાજરીમાંથી મુક્તિની માંગ કરી હતી. 22 સપ્ટેમ્બરે અમદાવાદ ટ્રાયલ કોર્ટે માનહાનિના કેસમાં તેજસ્વી યાદવને સમન્સ જારી કર્યા હતા.
ટ્રાયલ કોર્ટે સુનાવણી મોકૂફ રાખી હતી
તમને જણાવી દઈએ કે તેજસ્વી યાદવે પોતાના એક નિવેદનમાં કહ્યું હતું કે ‘ફક્ત ગુજરાતીઓ જ ઠગ હોઈ શકે છે’. તેના વિરોધમાં ગુજરાતના સામાજિક કાર્યકર હરેશ મહેતાએ તેજસ્વી યાદવ સામે માનહાનિનો કેસ દાખલ કર્યો હતો. હવે આ મામલે તેજસ્વી યાદવે સુપ્રીમ કોર્ટનમાં અરજી કર્યા બાદ ટ્રાયલ કોર્ટે કેસની સુનાવણી 2 ડિસેમ્બર સુધી ટાળી દીધી છે. જોકે, હરેશ મહેતાના વકીલે દલીલ કરી હતી કે સુપ્રીમ કોર્ટે હજુ સુધી આ મામલે કોઈ નિર્દેશ આપ્યો નથી, આવી સ્થિતિમાં ટ્રાયલ કોર્ટ તેજસ્વી યાદવની ગેરહાજરીમાં પણ સુનાવણી ચાલુ રાખી શકે છે.
તેજસ્વી યાદવ સામે ફરિયાદ કરવામાં આવી હતી
દલીલો સાંભળ્યા બાદ ટ્રાયલ કોર્ટે સુનાવણી 2 ડિસેમ્બર સુધી મુલતવી રાખી છે. તેજસ્વી યાદવે તાજેતરમાં જ તેમના એક નિવેદનમાં કહ્યું હતું કે વર્તમાન પરિસ્થિતિમાં માત્ર ગુજરાતીઓ જ ઠગ છે અને તેમનો ગુનો પણ માફ કરવામાં આવશે. જો તે દેશમાંથી ફરાર થઈ જાય તો પણ તેની જવાબદારી કોની હશે? આ નિવેદન સામે હરેશ મહેતાએ માનહાનિની ફરિયાદ નોંધાવી હતી.
વધુ સમાચાર માટે જોતા રહોવી.આર.લાઇવ
સતત સમાચાર માટે જોતા રહો અમારી વેબ સાઈટ
