યુક્રેન પર રશિયાનો મોટો હુમલો
હુમલામાં 17 લોકોના મોત
32થી વધુ લોકો થયા ઘાયલ
યુક્રેન પર રશિયાનો મોટો હુમલો સામે આવ્બુયો છે. ધવારે પૂર્વી યુક્રેનના એક શહેરમાં એક બજારમાં રશિયના હુમલામાં 17 લોકો માર્યા ગયા અને ઘણા લોકો ઘાયલ થયા. અધિકારીઓએ આ માહિતી આપી હતી. આ ઘાતક હુમલો એવા સમયે થયો છે જ્યારે યુએસ સેક્રેટરી ઓફ સ્ટેટ એન્ટની બ્લિંકન રશિયન દળો સામે યુક્રેનને સમર્થન આપવા કિવ પહોંચ્યા હતા. એવી અપેક્ષા રાખવામાં આવે છે કે યુએસ યુક્રેન માટે એક અબજ ડોલરથી વધુ ભંડોળની જાહેરાત કરી શકે છે.હુમલામાં 17 લોકો માર્યા ગયા અને 32 ઘાયલ થયા. આ પહેલા યુક્રેનના વડાપ્રધાન ડેનિસ શિમહાલે કહ્યું હતું કે રશિયન હુમલામાં ઓછામાં ઓછા 16 લોકોના મોત થયા છે.
અધિકારીઓના જણાવ્યા અનુસાર રશિયન હુમલામાં 20 દુકાનો, પાવર લાઈનો, વહીવટી ઈમારતો વગેરેને નુકસાન થયું છે. યુક્રેનના રાષ્ટ્રપતિ ઝેલેન્સકીએ કહ્યું કે રશિયાએ નિર્દોષ લોકોને નિશાન બનાવી બજાર પર હુમલો કર્યો. તેમણે કહ્યું, “જે લોકો આ સ્થળને જાણે છે તેઓ જાણે છે કે આ એક નાગરિક વિસ્તાર છે. નજીકમાં કોઈ લશ્કરી એકમ નથી. આ હુમલો જાણી જોઈને કરવામાં આવ્યો હતો.અમેરિકી અધિકારીઓના જણાવ્યા અનુસાર, બ્લિંકનની મુલાકાતનો હેતુ ત્રણ મહિના દરમિયાન રશિયા સામેના યુદ્ધમાં યુક્રેનની જવાબી કાર્યવાહી નું મૂલ્યાંકન કરવાનો છે અને યુએસના સતત સમર્થનનો સંકેત આપવાનો છે. બ્લિંકને કહ્યું, “અમે ખાતરી કરવા માંગીએ છીએ કે યુક્રેન પાસે તેને જરૂરી બધું જ છે, માત્ર બદલો લેવામાં સફળ થવા માટે જ નહીં… અમે અમારા ભાગીદારો સાથે કામ કરવાનું ચાલુ રાખવા માટે પણ પ્રતિબદ્ધ છીએ કારણ કે તેઓ મજબૂત અર્થતંત્ર અને મજબૂત લોકશાહીનું નિર્માણ કરશે.
વાંચો અહીં ૯ અને ૧૦ સપ્ટેમ્બરે યોજાશે જી-૨૦ સમિટ,હેલ્પલાઇન નંબર જાહેર
