ઉદ્ધવ ઠાકરેની આગેવાની હેઠળની શિવસેનાને ઝટકો
તાત્કાલિક સુનાવણી કરવાનો સુપ્રીમ કોર્ટેનો ઇનકાર
એડવોકેટ અમિત આનંદ તિવારીએ તાત્કાલિક સુનાવણીની વિનંતી કરી હતી
ઉદ્ધવ ઠાકરેની આગેવાની હેઠળની શિવસેનાને સુપ્રીમ કોર્ટમાંથી મોટો ઝટકો લાગ્યો છે. મહારાષ્ટ્રના મુખ્ય પ્રધાન એકનાથ શિંદેના નેતૃત્વ હેઠળના જૂથને મૂળ શિવસેના તરીકે માન્યતા આપવાના નિર્ણય સામે ભૂતપૂર્વ મુખ્ય પ્રધાન ઉદ્ધવ ઠાકરેની અરજી પર તાત્કાલિક સુનાવણી કરવાનો સુપ્રીમ કોર્ટે ઇનકાર કર્યો છે. શિવસેનાના નામની સાથે ચૂંટણી પંચે શિંદે જૂથને પક્ષનું ચિહ્ન ધનુષ અને તીર પણ ફાળવ્યું હતું. એડવોકેટ અમિત આનંદ તિવારીએ તાત્કાલિક સુનાવણીની વિનંતી કરતા ચીફ જસ્ટિસ ડીવાય ચંદ્રચુડની અધ્યક્ષતાવાળી બેંચ સમક્ષ આ બાબતનો ઉલ્લેખ કર્યો હતો.નોંધનીય છે કે શિવસેનાના નામની સાથે ચૂંટણી પંચે શિંદે જૂથને પક્ષનું ચિહ્ન ધનુષ અને તીર પણ ફાળવ્યું હતું. એડવોકેટ અમિત આનંદ તિવારીએ તાત્કાલિક સુનાવણીની વિનંતી કરતા ચીફ જસ્ટિસ ડીવાય ચંદ્રચુડની અધ્યક્ષતાવાળી બેંચ સમક્ષ આ બાબતનો ઉલ્લેખ કર્યો હતો. આ બેંચમાં જજ જસ્ટિસ જે.બી.પારડીવાલા અને જસ્ટિસ મનોજ મિશ્રા પણ સામેલ છે. બેન્ચે કહ્યું કે, ચાલો આપણે જમ્મુ અને કાશ્મીર પર બંધારણીય બેંચના ચુકાદાની રાહ જોઈએ અને અમે તારીખ આપીશું.પિટિશનમાં દાવો કરવામાં આવ્યો હતો કે ચૂંટણી પંચે દસમી સૂચિ હેઠળ ગેરલાયક ઠેરવવામાં ભૂલ કરી છે અને ચૂંટણી પ્રતીક ઓર્ડર હેઠળની કાર્યવાહી વિવિધ ક્ષેત્રોમાં કાર્ય કરે છે અને ધારાસભ્યોની ગેરલાયકાત રાજકીય પક્ષની સદસ્યતા સમાપ્ત કરવા પર આધારિત નથી. જેમાં કહેવામાં આવ્યું છે કે ચૂંટણી પંચે એવું માની લેવાની ભૂલ કરી કે શિવસેના અલગ થઈ ગઈ છે.ચૂંટણી પંચે એકનાથ શિંદે-જૂથને મૂળ શિવસેના તરીકે માન્યતા આપી હતી અને સ્વર્ગસ્થ બાળાસાહેબ ઠાકરે દ્વારા સ્થાપિત પક્ષના ચૂંટણી ચિન્હ ‘ધનુષ અને તીર’ની ફાળવણીનો આદેશ આપ્યો હતો.
