મણિપુર હિંસા અંગે રાહુલ ગાંધીના પ્રહાર
પીએમ મોદીને મણિપુર સાથે કોઈ લેવાદેવા નથીઃરાહુલ ગાંધી
પીએમ મોદીની વિચારધારાએ મણિપુરને બાળી નાખ્યુઃરાહુલ ગાંધી
મણિપુર હિંસા અંગે રાહુલ ગાંધીએ વડાપ્રધાન મોદી પર પ્રહાર કર્યાં છે.. કોંગ્રેસ નેતા રાહુલ ગાંધીએ ફરી એકવાર મણિપુર મુદ્દે વડાપ્રધાન નરેન્દ્ર મોદી પર નિશાન સાધધ્યું છે. તેમણે કહ્યું કે પીએમ મોદીને મણિપુર સાથે કોઈ લેવાદેવા નથી. તેઓ જાણે છે કે તેમની વિચારધારાએ જ મણિપુરને બાળી નાખ્યું છે. કોંગ્રેસ નેતાએ કહ્યું કે પીએમ મોદીએ મણિપુરને લઈને એક પણ શબ્દ નથી ઉચ્ચાર્યો. દેશનું એક રાજ્ય સળગતું હોય તો દેશના વડાપ્રધાન કંઇક યા બીજી રીતે કહે. તમે વિચાર્યું હશે કે દેશના પીએમ એરોપ્લેન દ્વારા મણિપુરની મુલાકાત લેશે. કમ સે કમ ખુદ ઈમ્ફાલ જઈને લોકો સાથે વાત કરો, પરંતુ આવું કંઈ થયું નથી.
પીએમ એક પણ શબ્દ કેમ નથી બોલતા?
કોંગ્રેસ નેતાએ કહ્યું કે પીએમ મોદીએ મણિપુરને લઈને એક પણ શબ્દ નથી ઉચ્ચાર્યો. દેશનું એક રાજ્ય સળગતું હોય તો દેશના વડાપ્રધાન કંઇક યા બીજી રીતે કહે. તમે વિચાર્યું હશે કે દેશના પીએમ એરોપ્લેન દ્વારા મણિપુરની મુલાકાત લેશે. કમ સે કમ ખુદ ઈમ્ફાલ જઈને લોકો સાથે વાત કરો, પરંતુ આવું કંઈ થયું નથી.
રાહુલ ગાંધીએ વધુમાં કહ્યું કે દેશના કોઈપણ અગાઉના પીએમ, ભલે તે કોંગ્રેસના ન હોય, ત્યાં ( મણિપુર)જઈને બેઠા હોત. પરંતુ તમને આશ્ચર્ય થશે કે દેશના વડાપ્રધાન મણિપુર કેમ નથી જઈ રહ્યા. તમે મણિપુર વિશે કેમ બોલતા નથી. કારણ કે નરેન્દ્ર મોદી આરએસએસ વડાપ્રધાન છે. તેમને મણિપુર સાથે કોઈ લેવાદેવા નથી. તેઓ જાણે છે કે તેમની વિચારધારાએ મણિપુરને બાળી નાખ્યું છે.
દેશની પીડાથી કોઈ ફરક પડતો નથી
રાહુલે પીએમ મોદી પર વધુ નિશાન સાધતા કહ્યું કે ભાજપ-આરએસએસને માત્ર સત્તા જોઈએ છે અને સત્તા મેળવવા માટે કંઈ પણ કરી શકે છે. સત્તા માટે તેઓ મણિપુરને સળગાવી દેશે, આખા દેશને બાળી નાખશે. તેમને દેશના દુ:ખ અને દર્દની પરવા નથી. તેમણે વધુમાં કહ્યું કે તમારા દિલમાં દેશભક્તિ છે. જ્યારે દેશને ઠેસ પહોંચે છે, જ્યારે દેશના કોઈપણ નાગરિકને દુઃખ પહોંચે છે, ત્યારે તમારું હૃદય પણ દુઃખી થાય છે. તમે દુઃખી થાઓ છો. પરંતુ ભાજપ અને આરએસએસના લોકોને કોઈ દુઃખ નથી લાગતું, કારણ કે તેઓ ભારતના ભાગલા પાડવાનું કામ કરી રહ્યા છે.
વાંચો અહી તેલંગાણાના ભદાદ્રીમાં એક મહિલા તણાઈ,વીડિયો થયો વાયરલ
