મહારાષ્ટ્રના બુલઢાણામાં અકસ્માત
સાંસદ સંજય રાઉતે ભાજપ પર સાધ્યું નિશાન
સરકારની બેદરકારીના કારણે આ અકસ્માત થયો: સંજય રાઉત
સંજય રાઉતે ભાજપ પર નિશાન સાધ્યું છે. મહારાષ્ટ્રના બુલઢાણામાં શુક્રવારે મોડી રાત્રે એક ભયાનક બસ અકસ્માત થયો હતો. આ અકસ્માતમાં 34 નાગરિકો દાઝી ગયા હતા. એક તરફ લોકો શોકમાં છે. બીજી તરફ રાજકીય ગલિયારામાં ખળભળાટ મચી ગયો છે. બસ અકસ્માતને લઈને રાજકીય પારો ગરમાયો છે. ઉદ્ધવ ઠાકરે જૂથના નેતા અને સાંસદ સંજય રાઉતે ભાજપને ડ્રામે બાઝ ગણાવી છે. તેમણે આરોપ લગાવ્યો કે સરકારની બેદરકારીને કારણે આ અકસ્માત થયો છે. રાઉતે પત્રકારોને જણાવ્યું હતું કે સમૃદ્ધિ હાઈવે પર અકસ્માત ઘણો નિરાશાજનક છે. તેમણે કહ્યું કે આ રોડ પર ભૂતકાળમાં પણ અનેક અકસ્માતો થયા છે, પરંતુ સરકાર તેના પર ધ્યાન આપી રહી નથી. તેમણે વધુમાં કહ્યું હતું કે મુંબઈની ભાજપ સંપૂર્ણ પણે ડ્રામેબાઝ છે. ઉદ્ધવ ઠાકરે જૂથના નેતાએ કહ્યું કે અમે સતત મહારાષ્ટ્રમાં ચૂંટણીની માંગ કરી રહ્યા છીએ, પરંતુ ભાજપ તેનાથી ડરી ગઈ છે. યુનિફોર્મ સિવિલ કોડ એટલે કે યુસીસી પર રાઉતે કહ્યું કે યુસીસીનો ડ્રાફ્ટ હજુ આવ્યો નથી. ડ્રાફ્ટ જાહેર થયા બાદ અમે તેના વિશે વિચારીશું.
મહારાષ્ટ્રના બુલઢાણામાં શુક્રવારે મોડી રાત્રે નાગપુરથી પુણે જઈ રહેલી બસ પોલ સાથે અથડાઈ, ડિવાઈડર પર ચઢી અને પલટી ગઈ. તેનાથી તેનામાં આગ લાગી ગઈ. બસમાં 34 લોકો સવાર હતા જેમાંથી ૩૦ થીવધુ લોકના દાઝી જવાથી ઘટનાસ્થળે જ મૃત્યુ પામ્યા હતા. જેમાં 3 બાળકોનો સમાવેશ થાય છે.બસની બારીના કાચ તોડીને 8 લોકોએ પોતાનો જીવ બચાવ્યો હતો. બુલઢાણા જિલ્લાના સિંદખેડારાજા નજીક પિંપલખુટા ગામ નજીક સમૃદ્ધિ મહામાર્ગ એક્સપ્રેસ વે પર સવારે લગભગ 1.30 વાગ્યે આ અકસ્માત થયો હતો.
