BGMI (Battleground mobile india) પરથી કેન્દ્ર સરકારે પ્રતિબંધ હટાવ્યો!
ભારતીય ઓનલાઈન ગેમિંગ માર્કેટમાં લોકપ્રિય બેટલ રોયાલ ગેમ BGMI એટલે કે બેટલ ગ્રાઉન્ડ મોબાઈલ ઇન્ડિયા પર પ્રતિબંધ લાદવાને ૧ વર્ષ પૂર્ણ થવા આવશે. તે વચ્ચે આ ગેમના રસિયાઓ માટે સારા સમાચાર આવી રહ્યા છે. ભારત સરકારે આ ગેમ પરથી ૩ મહિના માટે પ્રતિબંધ હટાવી દીધો છે. આ ૩ મહિના દરમિયાન સરકાર જોશે કે, BGMI નિયમોનું પાલન કરી રહી છે કે નહીં. કારણ કે આ ગેમ પર ડેટા સિકયુરિટી પર જોખમને જોતા પ્રતિબંધ લાદવામાં આવ્યો હતો. જોકે હવે સમાધાન બાદ BGMI વધુ કડક નિયમો સાથે માર્કેટમાં આવશે.
