છેલ્લા ઘણા દિવસોથી મહિલા રેસલર ધરણા પર છે.યોન શોષણના કેસમાં ફરિયાદ નોંધવાની મહિલા કુશ્તીબાજોની માગ છે. દિલ્હીના જંતર-મંતર ખાતે મહિલા કુસ્તીબાજોનાં ધરણાં મંગળવારે પણ ચાલુ રહ્યાં હતાં. સુપ્રીમ કોર્ટે 7 મહિલા કુસ્તીબાજની અરજી પર સુનાવણી કરવા સંમતિ દર્શાવી છે. કોર્ટે કહ્યું હતું કે કુસ્તીબાજોએ અરજીમાં જાતીય સતામણીનો ગંભીર આરોપ લગાવ્યો છે. આને ધ્યાનમાં લેવાની જરૂર છે. હવે આ મામલે શુક્રવારે સુનાવણી થશે. CJI DY ચંદ્રચૂડે પણ રેસલિંગ ફેડરેશન ઓફ ઈન્ડિયા (WFI)ના પ્રમુખ અને BJP સાંસદ બ્રિજભૂષણ શરણ સિંહ વિરુદ્ધ FIR ન નોંધવા બદલ દિલ્હી પોલીસને નોટિસ પાઠવી છે.
