યુવરાજસિંહના સમર્થનમાં ઉતરી કોંગ્રેસ

યુવરાજને રૂપિયા જોઈતા હોત તો પહેલા જ લીધા હોત : જગદીશ ઠાકોર

ભાવનગર ડમી કાંડ મામલે વિદ્યાર્થી નેતા યુવરાજસિંહની ધરપકડ થઇ છે, જેને લઈને કોંગ્રેસે સરકાર પર નિશાન સાધ્યું છે. કોંગ્રેસ યુવરાજસિંહના સમર્થનમાં ઉતરી છે. ફરીયાદી સામે કાર્યવાહી થતા વિપક્ષે સવાલ ઉઠાવ્યા છે. ગુજરાત કોંગ્રેસ પ્રદેશ પ્રમુખ જગદીશ ઠાકોરે યુવરાજસિંહના સમર્થનમાં જણાવ્યું છે કે, “જો યુવરાજને રૂપિયા લેવા હોત તો તેણે પહેલા જ લઇ લીધા હોત. તેણે જે કાગળ આપ્યા તે પોલીસ ચેક નથી કરતી તો તપાસ કેવી રીતે થઇ? પોલીસ ભારતીય જનતા પાર્ટી સામે અવાજ ઉઠાવનારને દબાવવા માંગે છ, પરંતુ આ લડાઈ રોકાશે નહીં”