ડામરનો રસ્તો પીગળતા વાહન લપસવાનો ભય
વડોદરાના ભાયલી વિસ્તારનો એક વિડીયો હાલ સામે આવ્યો છે. અહીં તાજેતરમાં ભાયલી-રાયપુરા માર્ગનું નવીનીકરણ કરવામાં આવ્યું છે, પરંતુ હવે આ રસ્તો ગરમીના કારણે પીગળી રહ્યો છે, જે વિડીયોમાં સ્પષ્ટપણે જોઈ શકાય છે. આ સમસ્યાના કારણે સ્થાનિક લોકોને પરેશાનીનો સામનો કરવો પડી રહ્યો છે. વડોદરા મનપા તંત્રએ કે કોન્ટ્રાકટર દ્વારા રેતી ન નાખવાના કારણે વાહન લપસી જવાનો ભય રહે છે. રાહદારીઓએ પણ મનપા તંત્ર સામે રોષ વ્યક્ત કર્યો છે.
