ઈમરાન ખાનના લગ્ન ગેરકાયદેસર: મુફ્તી સઈદ
પાકિસ્તાનના પૂર્વ વડાપ્રધાન ઈમરાન ખાન અને તેમની પત્ની બુશરા બીબી સાથે લગ્ન કરનાર મુફ્તી સઈદે ચોંકાવનારો ખુલાસો કર્યો છે. મુફ્તી સઈદે કોર્ટને કહ્યું કે બુશરા બીબી સાથે ઈમરાન ખાનના લગ્ન ગેરકાયદેસર હતા. પીટીઆઈના અધ્યક્ષ ઈમરાન ખાન અને બુશરા બીબીના લગ્નનું સંચાલન કરનાર મુફ્તી સઈદે બુધવારે કોર્ટમાં જણાવ્યું કે ઈમરાન ખાનના લગ્ન ગેરકાયદેસર અને ઈસ્લામના સિદ્ધાંતોની વિરુદ્ધ છે. મુફ્તીના જણાવ્યા અનુસાર, ઇમરાને તેમને કહ્યું કે પહેલા લગ્ન સમયે બુશરા બીબીનો ઇદ્દતનો સમયગાળો પૂરો થયો ન હતો કારણ કે નવેમ્બર 2017માં તેના છૂટાછેડા થઈ ગયા હતા. ઈમરાને કહ્યું કે એક ભવિષ્યવાણી પ્રમાણે જો તે 1 જાન્યુઆરીએ બુશરા બીબી સાથે લગ્ન કરે છે તો તે વડાપ્રધાન બની જશે. મુફ્તી સઈદે વધુમાં કહ્યું કે ઈમરાને પોતે જ કહ્યું હતું કે તેમના લગ્ન ગેરકાયદે છે. તેણે કહ્યું કે તેમના લગ્ન ગેરકાયદેસર છે તે જાણવા છતાં તેઓએ લગ્ન કર્યા.
