66th AGM of Dudhsagar Dairy: મહેસાણા જિલ્લાની જાણીતી દૂધસાગર ડેરીની ૬૬મી સાધારણ સભામાં પશુપાલકો અને દૂધ ઉત્પાદકોના હિતમાં એક અત્યંત મહત્વપૂર્ણ અને રાહતરૂપ નિર્ણય લેવામાં આવ્યો છે. ડેરી દ્વારા દૂધના પ્રતિ કિલો ફેેટના ભાવમાં રૂ. ૨૦નો શાનદાર વધારો કરવામાં આવ્યો છે. આ ભાવ વધારાના અમલ બાદ હવેથી દૂધ ઉત્પાદકોને પ્રતિ કિલો ફેટે પૂરા રૂ. ૧,૦૦૩ ચૂકવવામાં આવશે, જે પશુપાલકો માટે એક મોટી આર્થિક ભેટ સમાન છે.
66th AGM of Dudhsagar Dairy: રેકોર્ડબ્રેક રૂ. ૪૫૫ કરોડનો નફો અને રૂ. ૯,૦૪૩ કરોડનું ટર્નઓવર
સાધારણ સભામાં ડેરીની આગામી અને વાર્ષિક આર્થિક કામગીરીની વિસ્તૃત વિગતો પણ સત્તાવાર રીતે રજૂ કરવામાં આવી હતી. પ્રાપ્ત વિગતો અનુસાર, દૂધસાગર ડેરીએ ઉત્કૃષ્ટ કામગીરી કરતા રૂ. ૪૫૫ કરોડનો અત્યાર સુધીનો રેકોર્ડબ્રેક નફો નોધાવ્યો હોવાનું જણાવવામાં આવ્યું છે. આ સાથે જ ડેરીનું વાર્ષિક ટર્નઓવર પણ ઉંચી છલાંગ લગાવીને સીધું રૂ. ૯,૦૪૩ કરોડ સુધી પહોંચી ગયું છે, જે સંસ્થાની મજબૂત આર્થિક સ્થિતિ અને પ્રગતિની લાક્ષણિકતા દર્શાવે છે.
66th AGM of Dudhsagar Dairy: પશુપાલકોની આવકમાં સીધો વધારો અને મોંઘવારી સામે રાહત
હાલના સમયમાં પશુઆહાર, દવાઓ તેમજ પશુપાલન સાથે જોડાયેલા અન્ય સાધનો અને ખર્ચમાં સતત વધારો થઈ રહ્યો છે. આ મોંઘવારી અને ખર્ચના ભારણ વચ્ચે દૂધના ફેેટના ભાવમાં કરવામાં આવેલો આ વધારો દૂધ ઉત્પાદક પશુપાલકો માટે ખૂબ જ રાહતરૂપ સાબિત થશે. ડેરી દ્વારા લેવાયેલા આ નિર્ણયથી પશુપાલકોની માસિક અને વાર્ષિક આવકમાં સીધો અને સારો એવો વધારો થશે. ડેરીની મજબૂત આર્થિક કામગીરી સાથે તેના ઉત્પાદકોને વધુમાં વધુ વળતર પૂરું પાડવાના આ નિર્ણયને સભામાં ઉપસ્થિત તમામ લોકો દ્વારા અત્યંત સરાહનીય અને મહત્વપૂર્ણ ગણવામાં આવ્યો હતો.
વધુ સમાચાર વાંચવા માટે અંહી ક્લિક કરો
