સોના-ચાંદીની કિંમતમાં ઘટાડો,જાણો કેટલા ઘટ્યા ભાવ

સોનામાં 409 રૂપિયાનો ઘટાડો

ચાંદીમાં રૂપિયા 230નો ઘટાડો

બુલિયન માર્કેટમાં આજે સોના-ચાંદીમાં ઘટાડો થયો છે. સોનું અને ચાંદી તેમના ઉપલા સ્તરની નીચે કારોબાર કરી રહ્યા છે. મલ્ટી કોમોડિટી એક્સચેન્જ પર સોનું ઘટાડા સાથે ટ્રેડ થઈ રહ્યું છે. MCX પર સોનામાં 409 રૂપિયાનો ઘટાડો જોવા મળી રહ્યો છે. સોનું 0.68 ટકા ઘટીને 60102 રૂપિયા પ્રતિ 10 ગ્રામ પર ટ્રેડ કરી રહ્યું છે. સોનું આજે 59958 રૂપિયા પ્રતિ 10 ગ્રામના નીચા સ્તરે જોવા મળ્યું હતું અને ઉપરની બાજુએ, 60402 રૂપિયાની ઊંચી સપાટી જોવા મળી હતી અને આ માત્ર શરૂઆતનું સ્તર હતું. સોનાના આ ભાવ તેના જૂન વાયદા માટે છે અને કોમોડિટી માર્કેટમાં આજે સોનું તે કોમોડિટીમાં સામેલ છે જેનો લાલ નિશાનમાં વેપાર થઈ રહ્યો છે. ચાંદીના ભાવ પર નજર કરીએ તો  ચાંદીમાં રૂપિયા 230નો ઘટાડો થયો છે. જેમાં ચાંદી 74340 રૂપિયા પ્રતિ કિલોના સ્તરે કારોબાર ચાલી રહ્યો છે.