તમારી ઓનલાઈન ફૂડ એપ ઝોમાટો અને સ્વીગીને gst વિભાગે નોટીસ ફટકારી છે. ડિલિવરી ફીના કિસ્સામાં Zomato અને Swiggyને GST ટેક્સ નોટિસ મોકલવામાં આવી છે. સરકાર ડિલિવરી ભાગીદારો પાસેથી ડિલિવરી ફી પર પણ જીએસટીની માંગ કરી રહી છે. જોકે, કંપનીએ જવાબ આપતા કહ્યું છે કે તેઓ ડિલિવરી ભાગીદારો વતી ડિલિવરી પૂરી પાડે છે, તેથી તેમણે ટેક્સ ચૂકવવાનો આવતો નથી.
ઓનલાઇન ફૂડ ઓર્ડરિંગ પ્લેટફોર્મ Zomato ને ગુડ્સ એન્ડ સર્વિસ ટેક્સ (GST) ઓથોરિટી દ્વારા કારણ બતાવો નોટિસ મોકલવામાં આવી છે. આ મામલો ડિલિવરી ચાર્જ પર ટેક્સ ન ભરવા સાથે સંબંધિત છે. ગુરુગ્રામ સ્થિત કંપનીનું કહેવું છે કે તે આ ટેક્સ ચૂકવી શકતી નથી કારણ કે તે ડિલિવરી પાર્ટનર દ્વારા ચૂકવવામાં આવે છે. Zomatoનું કહેવું છે કે તે આ નોટિસનો જવાબ દાખલ કરશે.
આ ટેક્સ નોટિસ 29 ઓક્ટોબર 2019 થી 31 માર્ચ 2022 વચ્ચે વસૂલાત કરને લઈને આપવામાં આવી છે. નવેમ્બરમાં ડિરેક્ટોરેટ જનરલ ઑફ GST ઇન્ટેલિજન્સ (DGGI) એ Zomatoને પ્રી-ડિમાન્ડ નોટિસ જારી કરી હતી. સ્વિગી પાસેથી 750 કરોડ રૂપિયાની માંગણી કરતી નોટિસ પણ જારી કરવામાં આવી છે. હવે એ સ્પષ્ટ થઈ ગયું છે કે સરકાર ફૂડ ડિલિવરી પ્લેટફોર્મ પરથી ડિલિવરી ફી પર પણ GSTની માંગ કરી રહી છે.
જો કે, ફૂડ ડિલિવરી કંપનીઓનું કહેવું છે કે તે ડિલિવરી ભાગીદારો દ્વારા લેવામાં આવે છે, તેથી તેના પર કોઈ ટેક્સ નથી. કંપનીએ વધુમાં કહ્યું હતું કે ‘કંપની માને છે કે તે ડિલિવરી પર કોઈ ટેક્સ ચૂકવવા માટે હકદાર નથી. ડિલિવરી સેવા ડિલિવરી ભાગીદાર દ્વારા પ્રદાન કરવામાં આવે છે, તેથી કંપનીએ તેના પર ટેક્સ ચૂકવવો જોઈએ નહીં. અમારા કાયદાકીય અને ટેક્સ સલાહકારે પણ આ જ સલાહ આપી છે.
zomato : શું છે સમગ્ર મામલો
1 જાન્યુઆરી, 2022 થી, ફૂડ ડિલિવરી પ્લેટફોર્મએ પોતે જ રેસ્ટોરન્ટ્સ વતી GST એકત્રિત કરવો પડશે અને તેને સરકારને સબમિટ કરવો પડશે. જો કે આ અંગે સંપૂર્ણ સ્પષ્ટતા કરવામાં આવી નથી. આ ફી Zomato અને Swiggy દ્વારા લોયલ્ટી પ્રોગ્રામ હેઠળ લેવામાં આવે છે, પરંતુ જો તેઓ ઈચ્છે તો તેને માફ પણ કરી શકે છે. જો કે આ મામલે કંપની દ્વારા વધુ કોઈ સ્પષ્ટતા કરવામાં આવી નથી.
તમે આ પણ વાંચી શકો છો
GUJRAT : હેલીકોપ્ટરથી ફરો આખા ગુજરાતમાં !! સરકાર લાવી રહી છે નવી સુવિધા
