ટ્વિટરે અનપેઈડ એકાઉન્ટ્સ ધરાવતા ઘણા સેલેબ્સના વેરિફાઈડ એકાઉન્ટ્સ પરથી બ્લુ ટિક છીનવી લીધા હતા. હવે બ્લૂ ટિક માત્ર એ લોકોને જ મળી રહ્યું છે જે તેના માટે નક્કી કરેલું પેમેન્ટ કરશે. બ્લૂ ટિક હટવાથી અનેક લોકોએ પોતાની પ્રતિક્રિયા જુદી જુદી રીતે આપી હતી. ટ્વિટર પર સૌથી વધુ એક્ટિવ રહેતા બોલિવૂડના શહેનશાહ અમિતાભ બચ્ચન પાસેથી પણ ટ્વિટરે બ્લુ ટિક છીનવી લીધું હતું. તેથી શુક્રવારના રોજ બિગ બી એ રમુજી ટ્વીટ કર્યું હતું. તેમણે ટ્વિટર પાસે બ્લૂ ટિક પરત આપવાની માંગણી કરી હતી. આ સાથે જ તેમણે જણાવ્યું હતું કે તેમણે પૈસા ભરી દીધા છે પરંતુ તેમનું બ્લૂ ટિક પાછુ નથી મળ્યું. બચ્ચની આ અપીલને જોઈને ટ્વિટરે તેમનું એકાઉન્ટ ફરીથી વેરિફાય કરી દીધું છે. અમિતાભ બચ્ચેને પોતાના નેક્સ્ટ ટ્વિટમાં લખ્યું હતું કે ટ્વિટર પાસેથી તેમને બ્લૂ ટિક પાછું મળી ગયું છે. તેમણે લખ્યું હતું કે, એ મસ્ક ભૈયા! અમે તમારો ખૂબ જ આભાર માનીએ છીએ! મારા નામની આગળ એ બ્લૂ ટીક લાગુ ગયું છે. હવે શું કહું ભૈયા. મારું ગીત ગાવાનું મન થાય છે. તો લો આ સાંભળોઃ ‘તુ ચીઝ બડી હે મસ્ક મસ્ક… તુ ચીઝ બડી હે મસ્ક.’ આમ અમિતાભ બચ્ચનનું ટ્વીટ ચર્ચામાં છે,
