ટ્રેનમાં ગોળીબાર કરનાર આરોપી બરતરફ
ચેતન સિંહ ચૌધરીને RPF દ્વારા બરતરફ કરવામાં આવ્યો
ટ્રેન ગોળીબાર ના આરોપી ચેતન સિંહ ચૌધરીને RPF દ્વારા બરતરફ કરવામાં આવ્યો છે. જણાવી દઈએ કે ચેતન સિંહ ચૌધરી પર ટ્રેનની મુસાફરી દરમિયાન પોતાના વરિષ્ઠ અધિકારી અને અન્ય ત્રણ મુસાફરોને ગોળી મારીને હત્યા કરવાનો આરોપ છે. ચેતન સિંહ ચૌધરી પર અનુશાસનહીનતાના અન્ય ત્રણ કેસ પણ છે, જેમાં તેના પર વર્ષ 2017માં એક મુસ્લિમ વ્યક્તિને હેરાન કરવાનો પણ આરોપ છે. સમાચાર અનુસાર, રેલવે પ્રોટેક્શન ફોર્સ (RPF) ના વિભાગીય સુરક્ષા કમિશનરે ચેતન સિંહ ચૌધરીને બરતરફ કરવાનો આદેશ જારી કર્યો.
અનુશાસનહીનતાનો આરોપ હતો
આરોપી ચેતન સિંહ ચૌધરી વર્ષ 2017માં આરપીએફની ડોગ સ્કવોડમાં જોડાયો હતો. ચેતન સિંહ પર આરોપ છે કે 2017માં ઉજ્જૈનમાં આરપીએફના હાથે એક મુસ્લિમ વ્યક્તિ પકડાયો ત્યારે ચેતન સિંહે તે વ્યક્તિને કોઈ કારણ વગર ટોર્ચર કર્યો હતો. ગુજરાતમાં પોસ્ટિંગ દરમિયાન, ચૌધરીએ એક સાથીદાર પર હુમલો કર્યો. અન્ય એક બનાવમાં ચેતનસિંહે તેના ભાગીદારના એટીએમમાંથી પૈસા ઉપાડી લીધા હતા. અધિકારીઓએ જણાવ્યું હતું કે ચેતન સિંહને બરતરફ કરવાનો નિર્ણય ટ્રેન ફાયરિંગના પગલે લેવામાં આવ્યો હતો જેમાં ત્રણ મુસાફરો સહિત કુલ ચાર લોકો માર્યા ગયા હતા. તમને જણાવી દઈએ કે 31 જુલાઈના રોજ જયપુર મુંબઈ સેન્ટ્રલ સુપરફાસ્ટ એક્સપ્રેસમાં મુસાફરી કરતા ચેતન સિંહ ચૌધરીએ પાલઘર સ્ટેશન નજીક પોતાના વરિષ્ઠ અધિકારી ટીકારામ મીણા અને ત્રણ મુસાફરોની ગોળી મારીને હત્યા કરી દીધી હતી.
ટ્રેનમાં ફાયરિંગનું કારણ હજુ સ્પષ્ટ થયું નથી
ટ્રેનમાં ગોળીબાર માં માર્યા ગયેલા મુસાફરોની ઓળખ અબ્દુલ કાદર મોહમ્મદ હુસૈન ભાનપુરવાલા, સૈયદ સૈફુદ્દીન અને અસગર અબ્બાસ શેખ તરીકે થઈ છે. ત્રણેય ટ્રેનની અલગ-અલગ બોગીમાં મુસાફરી કરી રહ્યા હતા. બાદમાં સરકારી રેલવે પોલીસે ચૌધરીની ધરપકડ કરી હતી. હત્યા પાછળનું કારણ હજુ સ્પષ્ટ થયું નથી. આરોપી ચેતને પહેલા આરપીએફના આસિસ્ટન્ટ સબ-ઇન્સ્પેક્ટર ટેકરામ મીણા અને બી5 કોચમાં સવાર એક મુસાફરને તેની સર્વિસ ગન વડે ગોળી મારી હતી. ત્યારપછી આરોપીઓએ પેન્ટ્રી કાર અને S6 કોચમાં મુસાફરી કરી રહેલા અન્ય એક મુસાફરની ગોળી મારીને હત્યા કરી હતી. આરોપી ચેતન સિંહ હાલમાં જ્યુડિશિયલ કસ્ટડીમાં છે.
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
