Tragedy in Vadodara: વડોદરાના SRP ગ્રુપ-9 માં તાલીમ લઈ રહેલા એક યુવાન જવાનનું અચાનક તબિયત લથડતા કરૂણ મોત નીપજ્યું છે. માત્ર 29 વર્ષની વય ધરાવતા દીપક દિનેશભાઈ બારિયા સવારની પી.ટી. પરેડ પૂર્ણ કર્યા બાદ અચાનક ઢળી પડ્યા હતા. પ્રાથમિક દ્રષ્ટિએ હૃદયરોગનો હુમલો મોતનું કારણ હોવાનું મનાઈ રહ્યું છે.
Tragedy in Vadodara: ઘટનાની વિગત
મૂળ રાજપીપળા નજીકના તિલકવાડાના રહેવાસી દીપક બારિયા (ઉં.વ. 29) ની નિમણૂક SRP ગ્રુપ-1 માં થઈ હતી, પરંતુ તેઓ છેલ્લા ચાર અઠવાડિયાથી વડોદરાના ગ્રુપ-9 ખાતે તાલીમ લઈ રહ્યા હતા.
- સવારે 10 વાગ્યે: નિયમ મુજબ સવારની પી.ટી. પરેડ પૂર્ણ થઈ હતી.
- કપડાં બદલતી વખતે તકલીફ: પરેડ બાદ ફ્રેશ થઈ જ્યારે તેઓ નાસ્તો કરવા માટે કપડાં બદલી રહ્યા હતા, ત્યારે તેમણે છાતીમાં તીવ્ર દુખાવાની ફરિયાદ કરી હતી.
- ડિસ્પેન્સરી પાસે જ ઢળી પડ્યા: દુખાવો ઉપડતા તેઓ મિત્ર સાથે કેમ્પમાં આવેલી ડિસ્પેન્સરી તરફ જઈ રહ્યા હતા, પરંતુ ડોક્ટરની ચેમ્બરની બહાર પહોંચતા જ તેઓ અચાનક બેભાન થઈને ઢળી પડ્યા હતા.
Tragedy in Vadodara: હોસ્પિટલમાં દમ તોડ્યો
ઘટના બાદ તરત જ હાજર ડોક્ટરે તેમને પ્રાથમિક સારવાર આપી ઇન્જેક્શન અને બોટલ ચઢાવ્યા હતા. વધુ સારવાર માટે તેમને તાત્કાલિક SSG હોસ્પિટલના ઇમરજન્સી વોર્ડમાં ખસેડવામાં આવ્યા હતા, જ્યાં ટૂંકી સારવાર બાદ ફરજ પરના તબીબોએ તેમને મૃત જાહેર કર્યા હતા.
Tragedy in Vadodara: અગાઉ કોઈ બીમારી નહોતી
SRP ગ્રુપ-9 ના ઇનચાર્જ સેનાપતિ ડી.બી. બામણીયાએ જણાવ્યું હતું કે, ગત 15 માર્ચથી નવા જવાનોની તાલીમ શરૂ કરવામાં આવી હતી. મૃતક જવાનને અગાઉ કોઈ ગંભીર બીમારી હોવાની જાણકારી સામે આવી નથી. હાલ આ મામલે પોલીસ દ્વારા આકસ્મિક મોતનો ગુનો નોંધી વધુ તપાસ હાથ ધરવામાં આવી છે.
Tragedy in Vadodara: નિષ્ણાતોની સલાહ: હૃદયરોગના સંકેતોને નજરઅંદાજ ન કરો
હૃદયરોગના હુમલાના કિસ્સામાં પ્રથમ 90 મિનિટ (ગોલ્ડન અવર) ખૂબ જ કિંમતી હોય છે. જો સમયસર સારવાર મળે તો બચવાની શક્યતા 80% વધી જાય છે.
- છાતીમાં દુખાવો, ભારેપણું કે ગભરામણને ગેસ કે થાક માનીને અવગણશો નહીં.
- વિશ્વભરમાં 50% મૃત્યુ દર્દી એકલો હોય ત્યારે સહાય ન મળવાને કારણે થાય છે.
- કોઈપણ અસામાન્ય લક્ષણ જણાય તો તરત જ તબીબી તપાસ કરાવવી હિતાવહ છે.
વધુ સમાચાર વાંચવા માટે અંહી ક્લિક કરો
લખતર-વિરમગામ હાઈવે પર રક્તરંજિત સવાર: ડમ્પરે પદયાત્રીઓને કચડ્યા, એક જ પરિવારના 7 સભ્યોના કરુણ મોત
