The Staggering Cost of War: આધુનિક યુદ્ધ માત્ર જીવનું જ નહીં પણ અર્થતંત્રનું પણ ભારે નુકસાન કરે છે, તેનો જીવતો જાગતો પુરાવો અમેરિકા અને ઈરાન વચ્ચેના સંઘર્ષમાં જોવા મળી રહ્યો છે. અમેરિકન સંરક્ષણ વિભાગ પેન્ટાગોને જાહેર કરેલા આંકડા મુજબ, ઈરાન સામેના સૈન્ય અભિયાનના માત્ર પ્રથમ સપ્તાહમાં અમેરિકાને $11.3 બિલિયન (અંદાજે ₹1 લાખ કરોડ) નો જંગી ખર્ચ થયો છે.
The Staggering Cost of War: ‘ઓપરેશન એપિક ફ્યુરી’ મિસાઈલ અને દારૂગોળા પાછળ આંધણ
28 ફેબ્રુઆરીના રોજ શરૂ થયેલા આ સંઘર્ષને અમેરિકાએ ‘ઓપરેશન એપિક ફ્યુરી’ નામ આપ્યું છે.
- દારૂગોળાનો ખર્ચ: કુલ ખર્ચમાંથી લગભગ $5 બિલિયન (₹45,000 કરોડ) તો માત્ર ક્રૂઝ મિસાઈલ, પ્રિસીઝન બોમ્બ અને એરસ્ટ્રાઈક પાછળ વપરાયા છે.
- તકનીકી ખર્ચ: આમાં હાઈ-ટેક ડ્રોન, ગુપ્તચર તંત્ર અને સેટેલાઇટ આધારિત કામગીરીનો ખર્ચ પણ સામેલ છે.
The Staggering Cost of War: 13 દિવસમાં સ્થિતિ વધુ ગંભીર
આ સંઘર્ષ હવે 13માં દિવસમાં પ્રવેશી ચૂક્યો છે. પેન્ટાગોને એક બંધ બારણે યોજાયેલી બેઠકમાં સ્વીકાર્યું છે કે $11.3 બિલિયનનો આ આંકડો તો માત્ર શરૂઆત છે. જેમ જેમ યુદ્ધ લંબાશે, તેમ તેમ આ ખર્ચનો આંકડો કલ્પના બહાર જઈ શકે છે.
The Staggering Cost of War: વ્હાઇટ હાઉસ માંગશે ₹4.5 લાખ કરોડનું પેકેજ
સૂત્રોના જણાવ્યા અનુસાર, ટ્રમ્પ વહીવટી તંત્ર યુદ્ધના ખર્ચને પહોંચી વળવા માટે અમેરિકન કોંગ્રેસ પાસે $50 બિલિયન (આશરે ₹4.5 લાખ કરોડ) ના વધારાના ભંડોળની માંગ કરી શકે છે. સંરક્ષણ નિષ્ણાતો માની રહ્યા છે કે આધુનિક યુદ્ધમાં વપરાતી મોંઘી મિસાઈલ સિસ્ટમ્સ અને અદ્યતન વિમાનોને કારણે અર્થતંત્ર પર મોટો બોજ પડી રહ્યો છે.
વધુ સમાચાર વાંચવા માટે અંહી ક્લિક કરો
