Surat Leads the Way: ભારત સરકારના ‘ડિજિટલ ઈન્ડિયા’ અભિયાનમાં સુરત શહેરે વધુ એક ગૌરવશાળી યશકલગી ઉમેરી છે. દેશનો સૌથી પહેલો ‘બેરિયરલેસ’ (બેરિયર વગરનો) ટોલ પ્લાઝા આજથી એટલે કે 1 મે, 2026થી સુરતના કામરેજ પાસે કાર્યરત થઈ ગયો છે. આ નવી વ્યવસ્થાથી વાહનચાલકોને ટોલ નાકા પરની લાંબી કતારોમાંથી કાયમી મુક્તિ મળશે.
Surat Leads the Way: શું છે આ ‘બેરિયરલેસ’ સિસ્ટમ?
અત્યાર સુધી ફાસ્ટેગ (FASTag) હોવા છતાં વાહનોએ ટોલ પ્લાઝા પર બેરિયર પાસે ઉભા રહેવું પડતું હતું, પરંતુ હવે મુંબઈ-દિલ્હી હાઈવે (NH48) પર સુરત નજીક એવી ટેકનોલોજી મૂકવામાં આવી છે જેમાં વાહનચાલકે ગાડી ઉભી રાખવાની જરૂર નહીં પડે. વાહન 80 કિમી/કલાકની ઝડપે પસાર થશે તો પણ ટોલ જાતે જ કપાઈ જશે.
Surat Leads the Way: કેવી રીતે કામ કરશે આ આધુનિક સિસ્ટમ?
- ANPR ટેકનોલોજી: આ સિસ્ટમ ‘ઓટોમેટિક નંબર પ્લેટ રેકગ્નિશન’ (ANPR) પર આધારિત છે. હાઈવે પર લગાવાયેલા હાઈ-રિઝોલ્યુશન કેમેરા વાહનની નંબર પ્લેટ અને ફાસ્ટેગને સ્કેન કરશે.
- ઓટોમેટિક પેમેન્ટ: સ્કેન થતાની સાથે જ વાહન સાથે જોડાયેલા FASTag એકાઉન્ટમાંથી રકમ કપાઈ જશે અને તેનો મેસેજ સેકન્ડોમાં વાહનચાલકના મોબાઈલ પર આવી જશે.
- ફાસ્ટેગ વગરની ગાડીઓ માટે દંડ: જો કોઈ વાહનમાં ફાસ્ટેગ નહીં હોય, તો કેમેરા તેની નંબર પ્લેટના આધારે ડિજિટલ ઈન્વોઈસ જનરેટ કરશે અને માલિક પાસેથી દંડ સાથે વસૂલાત કરવામાં આવશે.
Surat Leads the Way: મોટા ફાયદાઓ
- સમય અને ઈંધણની બચત: NHAI ના મતે આ સિસ્ટમથી વાર્ષિક આશરે ₹1,500 કરોડ ના બળતણની બચત થશે.
- ટ્રાફિકથી મુક્તિ: કામરેજ અને ચોર્યાસી જેવા વ્યસ્ત ટોલ પ્લાઝા પર હવે ટ્રાફિક જામની સમસ્યા ભૂતકાળ બની જશે.
- પર્યાવરણને ફાયદો: ગાડીઓ ઉભી રાખવી ન પડતી હોવાથી કાર્બન ઉત્સર્જનમાં ઘટાડો થશે.
2026 ના અંત સુધીનું લક્ષ્ય
કેન્દ્ર સરકારની યોજના મુજબ, વર્ષ 2026ના અંત સુધીમાં દેશના 1,050 થી વધુ ટોલ પ્લાઝાને આ AI આધારિત ‘મલ્ટી લેન ફ્રી ફ્લો સિસ્ટમ’ થી સજ્જ કરવામાં આવશે. સુરતથી થયેલી આ શરૂઆત આગામી સમયમાં સમગ્ર દેશના હાઈવે મુસાફરીનો ચહેરો બદલી નાખશે.
વધુ સમાચાર વાંચવા માટે અંહી ક્લિક કરો
