Summer અંગદઝાડતી ગરમીમાં Heat Strockથી બચવા અપનાવો ઘરેલુ ઉપાય, ગરમીમાં શરીરને ઠંડુ રાખવું જરૂરી છે. Summer માં આપણે અનેક વાર સાંભળીયુ હશે કે હીટ સ્ટ્રોક લાગતા ચક્કર આવે છે. બપોરના સમયે બહાર જવાનું ટાળવું જોઈએ અને ખુબ જ મહત્વનું હોય તો જ બહાર નીકળવું જોઈએ. હીટ સ્ટ્રોક એ ગરમી સંબંધિત ગંભીર બીમારી છે. ગરમીમાં ઊંચા તાપમાનમાં લાંબા સમય સુધી સંપર્કમાં રહેવા અને અપૂરતી હાઇડ્રેશનને કારણે થાય લોકોમાં આ સ્થિતિ જોવા મળે છે. હીટ સ્ટ્રોક સમસ્યામાં જો તાત્કાલિક સારવાર ન કરવામાં આવે તો તે ગંભીર સ્વાસ્થ્ય માટે ખતરો બની શકે છે.
હીટ સ્ટ્રોક શું છે? શરીરને કેવી રીતે અસર કરે છે?
Summer માં ગરમી વધારે હોય છે અને આસપાસનું તાપમાન એટલું ઊંચું હોય છે કે શરીરના મુખ્ય તાપમાનને કંટ્રોલ કરી શકતું નથી, શરીરનું તાપમાન સતત વધતું જાય છે. પરસેવો થતો નથી, બોડી ઠંડુ થતું નથી. આવા કિસ્સાઓમાં, શરીરમાં સોડિયમ અને પોટેશિયમ જેવા ક્ષારનું ગંભીર અસંતુલન થાય છે. ક્ષારના અસંતુલન સાથે તાપમાન ઊંચું હોય તો શરીરના અંગોને અસર કરે છે. Summer માં હિટ સ્ટ્રોકના કિસ્સામાં વ્યક્તિ ઉપર ઠંડુ પાણી રેડીને, તેને ઠંડા પીણા પીવડાવીને અને મીઠું(Salt) ના લેવલને સંતુલિત કરવા માટે ઇલેક્ટ્રોલાઇટ્સ આપી શકાય છે.
Summer માં હીટ સ્ટ્રોકથી બચવા શું કરવું?
તડકે નીકળવાનું ટાળો : ઉનાળાની ગરમીમાં જો તાપમાન સતત વધી રહ્યું હોય તો હિટસ્ટ્રોકથી બચવા શક્ય હોય તો તડકે નીકળવાનું ટાળો ખાસ કરીને બપોરથી 3 વાગ્યાની વચ્ચે બાહર જવાનું ટાળો.
પાણી પીવો : જો તરસ ન લાગે તો પણ ખાતરી કરો કે તમે હાઈડ્રેટેડ રહો. અન્ય હાઇડ્રેટિંગ પ્રવાહી જેમ કે લસ્સી, લીંબુ પાણી, છાશ અથવા ઓઆરએસ પીવો જે ઇલેક્ટ્રોલાઇટનું સ્તર જાળવી શકે. આલ્કોહોલ, ચા, કોફી અને કાર્બોરેટેડ સોફ્ટ ડ્રિંક્સનું સેવન ન કરો કારણ કે તે તમને વધુ ડિહાઇડ્રેટ કરી શકે છે. લાઈટ કલરના ઢીલા અને સુતરાઉ કપડાં પહેરો અને ગોગલ્સ અને છત્રીનો ઉપયોગ કરો. સ્કિન પ્રોટેકશન માટે બહાર નીકળતા પહેલા સનસ્ક્રીન લગાવાનું રાખો.
Summer માં લોકોએ ઘરે પણ પડદા અથવા શેડ્સનો ઉપયોગ કરીને ઘરોને ઠંડુ રાખવાનો પ્રયાસ કરવો જોઈએ અને ભીના કપડાનો ઉપયોગ કરીને અથવા વારંવાર ઠંડા પાણીથી સ્નાન કરીને શરીરનું તાપમાન ઓછું રાખવાનો પ્રયાસ કરવો જોઈએ.
Summer માં રાત્રે નીચું તાપમાન શા માટે મહત્વનું છે?
ભેજનું પ્રમાણ વાતાવરણમાં વધી જાય ત્યારે શરીરને ઠંડુ રાખવા માટે પરસેવો અસરકારક રીતે બાષ્પીભવન થતો નથી. જો રાત્રિનું તાપમાન પણ ઊંચું રહે તો શરીરને આરામ કરવાનો સમય મળતો નથી. ધારો કે તમે 44 ડિગ્રી સેલ્સિયસ હોય ત્યારે બહાર નીકળો છો, જો તમે થોડા કલાકોમાં ઠંડી જગ્યાએ પાછા આવો છો, તો તમે રાહત અનુભવો છો. જ્યારે રાત્રિનું તાપમાન ઓછું હોય ત્યારે શરીરને આ રાહત મળે છે. જો થોડા દિવસો સુધી રાત્રે પણ તાપમાન ઓછું ન થાય, તો શરીરને આરામ મળી શકતો નથી.
ગરમી અને સનસ્ટ્રોકથી બચવા માટેની કેટલીક ટિપ્સ તમને જણાવીએ છીએ. ગરમીના સ્ટ્રોકથી બચવા માટે કેટલાક સરળ અને ઘરેલું ઉપાયો નીચે આપેલ છે
- હીટ સ્ટ્રોકથી બચવા તમે ભર બપોરે બહાર નીકળવાનું ટાળો. એટલે કે તમે અત્યારે ઉનાળાના દિવસોમાં પોતાના મોટાભાગના કામો સવારે અથવા સાંજના સમયે પતાવી દો. શક્ય બને ત્યાં સુધી બપોરે 12 થી 4 વાગ્યાની સમયમાં બહાર ના નીકળો. જો બહાર જવું જરૂરી હોય તો તમે પોતાની સાથે છત્રી, ટોપી અથવા માથું ઢાંકવા દુપટ્ટો અથવા કોટનનો રુમાલ સાથે રાખો.
- ગરમીમાં લૂ લાગવા જેવી સમસ્યાનો સામનો ના કરવા પડે માટે દિવસભર પુષ્કળ સાદું પાણી પીતા રહો. બને ત્યાં સુધી તમે ફ્રિજના બદલે માટલાનું પાણી પીવાનું રાખો. આ ઉપરાંત લીંબુ પાણી, છાશ, નાળિયેર પાણી અને કેરી પન્ના જેવા પીણાનું સેવન કરી શકો છો. આ પાણી તમારા શરીરનું તાપમાન નરમ રાખશે એટલે શરીરને ઠંડક આપશે.
- ઉનાળામાં વધુ પડતું તળેલું કે મસાલેદાર ખોરાક ખાવાથી એસિડીટીની સમસ્યા થઈ શકે છે. એટલે તમે ગરમીની સિઝનમાં હળવા ખોરાકને પોતાની દિનચર્યામાં સામેલ કરો. જેમકે, સલાડ, દહીં, કાકડી, તરબૂચ જેવા ફળોને પોતાના આહારમાં સામેલ કરો. ઉનાળાની સિઝનમાં આવતી કેરી તમામનું પ્રિય ફળ છે. જો તમારે કેરીના રસનું સેવન કરવું હોય તો તમે શક્ય બને ત્યાં સુધી સવારે તેનું સેવન કરો. રાત્રે કેરીના રસનું સેવન એસિડીટીની સમસ્યામાં વધારો કરશે.
- Summer માં કેટલાક લોકો ડુંગળીનું સેવન કરતા હોય છે. ખાસ કરીને ગરમીના દિવસોમાં કાચી ડુંગળી ખાવાથી હિટ સ્ટ્રોક સામે મોટું રક્ષણ મળે છે. આ ઉપરાંત તમે સલાડ કે કેરીના પન્નામાં પણ કાચી ડુંગળીને સામેલ કરી શકો છો. તેમજ કાચી કેરી સાથે ડુંગળીનું કંચૂબર બનાવી થોડા સમય માટે સ્ટોર પણ કરી શકો છો. કેટલાક લોકો બહાર નીકળતી વખતે ડુંગળી ખિસ્સામાં રાખે છે – આ પણ એક પરંપરાગત ઉપાય છે.
ગરમીમાં હીટ સ્ટ્રોકથી બચવા તમે માથે પાણીથી ભીના કપડાથી માથું કે ગરદન સાફ કરો. તેમજ જયારે બહાર નીકળો ત્યારે જે સ્થાન પર છાંયડો હોય તેવા સ્થાન પર ઉભા રહેવાનું પસંદ કરો. ઘરમાં હવાની અવર-જવર માટે બારી બારણા ખુલ્લા રાખવા જોઈએ. પરંતુ જ્યારે બપોરે તડકો ચઢે ત્યારે બારી બારણાં બંધ કરી દેવા જોઈએ. અને તેના બાદ ઘરમાં બારીઓ અને દરવાજા પર ભીના પડદા લગાવો જેથી ઘરમાં ઠંડક જળવાઈ રહે અને તમારા શરીર પર ગરમીની અસર ના થાય. જો વ્યક્તિને હિટ સ્ટ્રોકનો હુમલો આવે ત્યારે તરત જ તેને લીંબુ પાણી, ડુંગળીનો રસ અથવા કેરીનું પીણું આપવું જોઈએ જેથી તેને જલદી આરામ મળી રહે. જો સમસ્યા વધુ ગંભીર હોય તો ડૉક્ટરની સલાહ લેવી જોઈએ.
Table of Contents
Family Doctor 1588 | ઉનાળામાં ત્વચાની સંભાળ | VR LIVE
Vitamin B-12 ની ઉણપ | VR LIVE | Family Doctor 1592
દિલની વાત 1189 | પ્રદુષણ ગંભીર સમસ્યા | VR LIVE
Gutka માવા, તમાકુ અને ધ્રુમપાન કરવાથી દાંત ગંદા થઈ ગયા છે? તો આ વસ્તુ કરો મોતીની જેમ ચમકશે દાંત…
