મહારાષ્ટ્રના કેબિનેટ મંત્રી છગન ભુજબળને મળી ધમકી
ફોન પર જાનથી મારી નાખવાની ધમકી મળી
ધમકી આપનાર આરોપીની ધરપકડ
મહારાષ્ટ્રના કેબિનેટ મંત્રી છગન ભુજબળને ધમકી મળી છે.મહારાષ્ટ્રના રાજકીય વર્તુળોમાં હલચલ ઓછી થતાં જ એક નવો કિસ્સો સામે આવ્યો છે. હવે મહારાષ્ટ્ર ના નવનિયુક્ત કેબિનેટ મંત્રી છગન ભુજબળને જાનથી મારી નાખવાની ધમકીનો મામલો સામે આવ્યો છે. છગન ભુજબલને ફોન પર મારી નાખવાની ધમકી આપવામાં આવી હતી. મહાડમાંથી આરોપીની ધરપકડ કરી લેવામાં આવી છે.
જણાવવામાં આવી રહ્યું છે કે છગન ભુજબળ એક કાર્યક્રમમાં હાજરી આપવા માટે પિંપરી ચિંચવડ ગયા હતા. ત્યારે એક વ્યક્તિએ તેને જાનથી મારી નાખવાની ધમકી આપી હતી. ભુજબળે તાત્કાલિક પોલીસને જાણ કરી હતી. આ બાબતની જાણ થતાં જ પુણે ક્રાઈમ બ્રાન્ચે તપાસ શરૂ કરી અને જાનથી મારી નાખવાની ધમકી આપવાના આરોપમાં એક વ્યક્તિની અટકાયત કરી.પોલીસ અધિકારીએ જણાવ્યું કે આરોપીની ઓળખ કોલ્હાપુરના પ્રશાંત પાટીલ તરીકે થઈ છે. પ્રારંભિક તપાસમાં જાણવા મળ્યું છે કે આરોપીઓએ દારૂના નશામાં કેબિનેટ મંત્રીને ફોન પર ધમકી આપી હતી. પોલીસે તરત જ કોલ ટ્રેસ કરીને આરોપીને મહાડથી કસ્ટડીમાં લીધો હતો. બાદમાં તેને વધુ પૂછપરછ માટે પુણે લાવવામાં આવ્યો હતો.મીડિયા રિપોર્ટ્સ અનુસાર, ધમકીની એક ઓડિયો ક્લિપ સોશિયલ મીડિયા પર વાયરલ થઈ રહી છે. પાટીલે ભુજબળની ઓફિસમાં કામ કરતા કર્મચારીને ફોન પર ધમકી આપી હતી. તેણે ફોન પર કહ્યું હતું કે તેને ભુજબળની હત્યાનો કોન્ટ્રાક્ટ આપવામાં આવ્યો હતો.નોંધનીય છેકે છગન ભૂજબલ એનસીપીમાંથી શરદ પવારનો સાથ છોડીને અજીત પવાર સાથે મહારાષ્ટ્ર સરકારમાં જોડાયા હતા. ત્યાર બાદ મહારષ્ટ્રનું રાજકારણ પણ ગરમાયું હતું.
વાંચો અહીં ૧૧મી જુલાઇ “વિશ્વ વસ્તી દિવસ”
