IND vs PAK: T20 વર્લ્ડ કપમાં આજે ક્રિકેટ જગતની સૌથી મોટી ટક્કર જોવા મળશે. કોલંબોના આર. પ્રેમદાસા સ્ટેડિયમમાં ભારત અને પાકિસ્તાન આમને-સામને હશે. એક તરફ ટીમ ઈન્ડિયાનો વર્લ્ડ કપમાં શાનદાર વિજય રથ છે, તો બીજી તરફ પાકિસ્તાન તેના ‘સરપ્રાઈઝ’ ફેક્ટર સાથે મેદાનમાં ઉતરશે.
IND vs PAK: મેચના 5 નિર્ણાયક ફેક્ટર્સ (Key Factors)
વર્લ્ડ કપ રેકોર્ડ: ભારતનું પલ્લું ભારે T20 વર્લ્ડ કપના ઈતિહાસમાં બંને ટીમો 8 વાર ટકરાઈ છે, જેમાંથી 7 મેચમાં ભારતનો વિજય થયો છે. પાકિસ્તાન માત્ર એક જ વાર જીતી શક્યું છે. ઉપરાંત, ટીમ ઈન્ડિયા છેલ્લા 10 મુકાબલાથી અજેય છે.
IND vs PAK: ઉસ્માન તારિકનો પડકાર પાકિસ્તાનનો નવો સ્પિનર ઉસ્માન તારિક અત્યારે ચર્ચામાં છે. તેની અનોખી ‘પોઝ એક્શન’, સ્પીડ વેરિએશન અને એન્ગલ શ્રીલંકન પીચ પર ભારતીય બેટર્સ માટે મુશ્કેલી ઊભી કરી શકે છે. ભારત માટે આ ‘મિસ્ટ્રી’ ઉકેલવી અનિવાર્ય છે.
IND vs PAK: અભિષેક શર્માની ફિટનેસ અને ઓપનિંગ જોડી
બીમારીના કારણે છેલ્લી મેચ ગુમાવનાર વિસ્ફોટક બેટર અભિષેક શર્મા આજે રમે છે કે નહીં તેના પર સૌની નજર છે. જો તે રમશે, તો ઈશાન કિશન સાથેની તેની જોડી પાકિસ્તાની બોલર્સને હંફાવી શકે છે. ગત મેચમાં સંજુ સેમસન ફ્લોપ રહ્યો હતો, જે ભારતની ચિંતા છે.
કોલંબોની પીચ અને ટૉસનું મહત્વ આર. પ્રેમદાસા સ્ટેડિયમમાં છેલ્લી ત્રણેય મેચમાં પહેલા બેટિંગ કરનાર ટીમ જીતી છે. બીજી ઇનિંગમાં પીચ ધીમી પડે છે અને બોલ રોકાઈને આવે છે, જેથી રન બનાવવા મુશ્કેલ બને છે. હાલમાં ત્યાં ઝાકળ (Dew) નથી, જે બીજી ઇનિંગમાં બોલિંગ કરનાર ટીમને ફાયદો કરાવશે.
IND vs PAK: કી-પ્લેયર્સ પર નજર
- ભારત: જસપ્રીત બુમરાહ (યોર્કર સ્પેશિયાલિસ્ટ), વરુણ ચક્રવર્તી (શાનદાર ઇકોનોમી), અને ઈશાન કિશન (ફોર્મમાં).
- પાકિસ્તાન: શાહીન આફ્રિદી (પાવરપ્લે વિકેટ્સ), સાહિબઝાદા ફરહાન (એકમાત્ર ફોર્મમાં રહેલ બેટર), અને શાદાબ ખાન (ઓલરાઉન્ડ પ્રદર્શન).
બંને ટીમની સંભવિત પ્લેઇંગ-11
ભારત (IND): સૂર્યકુમાર યાદવ (કેપ્ટન), અભિષેક શર્મા, ઈશાન કિશન (WK), તિલક વર્મા, હાર્દિક પંડ્યા, શિવમ દુબે, વોશિંગ્ટન સુંદર, અક્ષર પટેલ, અર્શદીપ સિંહ/કુલદીપ યાદવ, વરુણ ચક્રવર્તી, જસપ્રીત બુમરાહ.
પાકિસ્તાન (PAK): સલમાન આગા (કેપ્ટન), સાહિબઝાદા ફરહાન, સૈમ અયુબ, બાબર આઝમ, ઉસ્માન ખાન (WK), શાદાબ ખાન, મોહમ્મદ નવાઝ, ફહીમ અશરફ, શાહીન આફ્રિદી, ઉસ્માન તારિક, અબરાર અહેમદ.
વધુ સમાચાર વાંચવા માટે અંહી ક્લિક કરો
