રાજ્યમાં તસ્કરો ત્રાટક્યાની ઘટનામાં દિવસે ને દિવસે વધારો થતો જાય છે ત્યારે વલસાડમાં પણ તસ્કરોને ત્રાટકવાની ઘટના સામે આવી છે વલસાડમાં કલેક્ટર કચેરી સામે જ ચોરીની ઘટનાથી હડકંપ મચી જવા પામ્યો છે. કલેક્ટર કચેરી સામે બંધ બંગલામાં તસ્કરો હાથફેરો કરી ફરાર થઇ ગયા છે. બંધ બંગલામાં રસોડા પાસેનો દરવાજો તોડીને તસ્કરોએ ઘરમાં પ્રવેશ કર્યો હતો. ઘરમાં મુકેલા સોના-ચાંદીના દાગીના અને રોકડ રકમ સહિત 5.66 લાખની ચોરી કરી ફરાર થઇ ગયા છે. સમગ્ર મામલે વલસાડ સિટી પોલીસે ગુનો નોંધી તપાસ હાથ ધરી છે.
