‘મેરી માટી, મેરા દેશ’ અભિયાન: મંત્રી ઋષિકેશ પટેલે તૈયારીઓની સમીક્ષા કરી

પ્રભારી મંત્રી ઋષિકેશ પટેલે ‘મેરી માટી, મેરા દેશ’ અભિયાન અંતર્ગત અમદાવાદ જિલ્લાની તૈયારીઓની સમીક્ષા કરી

વર્ચ્યુઅલ બેઠકમાં જિલ્લા વિકાસ અધિકારી  મેહુલ દવેએ અમદાવાદ જિલ્લાની તૈયારીઓ સંદર્ભે વિગતો પૂરી પાડી

જિલ્લા પ્રભારી સચિવ મુકેશકુમાર, જિલ્લા પોલીસ વડા સહિત સંસદ સભ્યો, ધારાસભ્યઓની  ઉપસ્થિતિ

મેરી માટી, મેરા દેશ’ અભિયાનની તૈયારીોની સમીક્ષા મંત્રી ઋષિકેશ પટેલે દ્વારા કરવામાં આવી હતી રાજ્યભરમાં આગામી તારીખ 9 ઓગસ્ટથી ‘મારી માટી, મારો દેશ’ અભિયાન અંતર્ગત જનભાગીદારીના અનેક કાર્યક્રમો થકી સ્વાતંત્ર્ય પર્વની ઉજવણી થનાર છે, ત્યારે અમદાવાદ જિલ્લાના પ્રભારી મંત્રી ઋષિકેશ પટેલે વર્ચ્યુઅલ માધ્યમથી જિલ્લાની તૈયારીઓ અંગે સમીક્ષા કરી હતી.આ બેઠકમાં જિલ્લા વિકાસ અધિકારી  મેહુલ દવેએ ‘મેરી માટી, મેરા દેશ’ અભિયાન અંતર્ગત અમદાવાદમાં જિલ્લા કક્ષાએ યોજાનારા શીલાફલકમ, પંચ-પ્રણ પ્રતિજ્ઞા અને સેલ્ફી, વસુધા વંદન, વીરો કો વંદન, ધ્વજ વંદન અને રાષ્ટ્રગાન સહિતના કાર્યક્રમો અંગે જિલ્લાની તૈયારીઓ અંગે વિગતે માહિતી પૂરી પાડી હતી.અનેકવિધ કાર્યક્રમોમાં મહત્તમ જનભાગીદારી થકી વીર શહીદોનું સન્માન, પ્રકૃતિનું જતન અને દેશદાઝની ભાવના જાગૃત થાય તે માટેના પ્રયાસો અંગે આયોજનની સમીક્ષા કરવામાં આવી

જિલ્લામાં મહત્તમ લોકભાગીદારી થકી આ કાર્યક્રમોની ઉજવણી થાય અને વધુને વધુ લોકો આઝાદી પર્વની ઉજવણીના આ કાર્યક્રમમાં જોડાય તે માટે ગ્રામ્ય કક્ષાએ તથા તાલુકા કક્ષાએ કરવામાં આવેલા વિવિધ આયોજનો અંગે પણ જિલ્લા વિકાસ અધિકારીશ્રીએ માહિતી પૂરી પાડી હતી.જિલ્લામાં થનારા આયોજનો અને કાર્યક્રમો અંગે સમીક્ષા બાદ પ્રભારી મંત્રીશ્રી અને પ્રભારી સચિવશ્રી દ્વારા હકારાત્મક સલાહ-સૂચનો કરવામાં આવ્યાં હતાં તથા અગત્યના મુદ્દાઓ અંગે ચર્ચા-વિચારણા કરવામાં આવી હતી.પ્રભારી મંત્રી ઋષિકેશભાઇ પટેલે આ પાંચ કાર્યક્રમ સિવાય પણ ગ્રામ્ય અને તાલુકા કક્ષાએ સ્વચ્છતા, શ્રમદાન, કુપોષણ, મિલેટ્સ, ક્ષય નાબૂદી જેવા વિષયો સંદર્ભે લોક જાગૃતિ અંગેના કાર્યક્રમો આવરી લેવામાં આવે તેવો અભિપ્રાય વ્યક્ત કર્યો હતો.