Gujarat PSI Recruitment 2026: ગુજરાત પોલીસ ભરતી બોર્ડ (GPRB) દ્વારા પીએસઆઈ (PSI) કેડરના હજારો ઉમેદવારો માટે મહત્વની જાહેરાત કરવામાં આવી છે. શારીરિક કસોટી પૂર્ણ થયા બાદ હવે ઉમેદવારો જેની આતુરતાથી રાહ જોઈ રહ્યા હતા તે લેખિત પરીક્ષા અને પરિણામ અંગેનું સંભવિત સમયપત્રક સામે આવ્યું છે.
Gujarat PSI Recruitment 2026: શારીરિક કસોટીનું પરિણામ અને આગળનો તબક્કો
ભરતી બોર્ડના જણાવ્યા અનુસાર, પીએસઆઈ કેડરની શારીરિક કસોટીનું પરિણામ ટૂંક સમયમાં જ સત્તાવાર વેબસાઇટ પર જાહેર કરવામાં આવશે. ફેબ્રુઆરીના અંત સુધીમાં પરિણામ જાહેર થવાની પૂરેપૂરી સંભાવના છે. જે ઉમેદવારો દોડ અને શારીરિક માપદંડોમાં સફળ રહ્યા છે, તેઓએ હવે લેખિત પરીક્ષા માટે કમર કસવાની રહેશે.
Gujarat PSI Recruitment 2026: લેખિત પરીક્ષાનો સંભવિત સમયગાળો
સૌથી મહત્વની જાહેરાત લેખિત પરીક્ષાની તારીખને લઈને છે. બોર્ડના જણાવ્યા મુજબ:
- સંભવિત સમય: એપ્રિલ-2026 ના ત્રીજા સપ્તાહમાં.
- તૈયારીનો સમય: ઉમેદવારો પાસે મુખ્ય પરીક્ષાની તૈયારી માટે અંદાજે બે મહિના જેટલો સમય બાકી રહેશે.
- નોંધ: આ તારીખ હાલમાં સંભવિત (Tentative) છે, જેમાં વહીવટી કારણોસર કે ચૂંટણીના આયોજન મુજબ ફેરફાર થઈ શકે છે.
ઉમેદવારો માટે સૂચના
ભરતી બોર્ડ દ્વારા ઉમેદવારોને ખાસ સૂચના આપવામાં આવી છે કે તેઓ આ સંભવિત સમયગાળાને ફાઈનલ માનીને જ પોતાની તૈયારી તેજ કરી દે. એપ્રિલ મહિનામાં અન્ય સ્પર્ધાત્મક પરીક્ષાઓ પણ હોઈ શકે છે, છતાં બોર્ડ ત્રીજા સપ્તાહમાં આ પરીક્ષા લેવા માટે મક્કમ છે.
વધુ સમાચાર વાંચવા માટે અંહી ક્લિક કરો
