Govt Eases Rules for 5kg LPG Cylinders: કેન્દ્ર સરકારે નાના રાંધણ ગેસ (LPG) સિલિન્ડરના વેચાણના નિયમોમાં મોટો ફેરફાર કર્યો છે. હવે 5 કિલોગ્રામનો નાનો ગેસ સિલિન્ડર ખરીદવા માટે કોઈપણ પ્રકારના કાયમી સરનામાના પુરાવા (Address Proof) ની જરૂર રહેશે નહીં. આ નિર્ણયથી એવા લોકો કે જેમની પાસે શહેરમાં કોઈ કાયમી રહેઠાણ નથી, તેમને મોટી સુવિધા મળશે.
Govt Eases Rules for 5kg LPG Cylinders: માત્ર ફોટો-ID કાર્ડથી મળશે સિલિન્ડર
પેટ્રોલિયમ મંત્રાલયના જણાવ્યા અનુસાર, હવે ગ્રાહકો કોઈપણ ઓથોરાઇઝ્ડ ડિસ્ટ્રીબ્યુટર પાસે જઈને માત્ર પોતાનું આધાર કાર્ડ, પાન કાર્ડ અથવા વોટર આઈડી જેવું ફોટો-આઈડી બતાવીને તરત જ ‘ફ્રી ટ્રેડ એલપીજી’ (FTL) સિલિન્ડર ખરીદી શકશે. લાંબી દસ્તાવેજી પ્રક્રિયાને નાબૂદ કરી દેવામાં આવી છે.
Govt Eases Rules for 5kg LPG Cylinders: સપ્લાય ચેઈન અને લોજિસ્ટિક્સ પર અસર
પશ્ચિમ એશિયા (મિડલ ઈસ્ટ) માં વધી રહેલા તણાવને કારણે એનર્જી લોજિસ્ટિક્સ પર અસર પડી છે. તેને ધ્યાનમાં રાખીને સરકારે નાના સિલિન્ડરોની ઉપલબ્ધતા વધારવાનો નિર્ણય લીધો છે. સરકારી આંકડા મુજબ:
- 23 માર્ચથી અત્યાર સુધીમાં આશરે 6.6 લાખ નાના સિલિન્ડર વેચાયા છે.
- માત્ર 4 એપ્રિલના રોજ જ 90,000 યુનિટ્સનું વેચાણ થયું છે.
- ઘરેલું ગેસની માંગ પણ રેકોર્ડ સ્તરે છે, એક જ દિવસમાં 51 લાખ થી વધુ સિલિન્ડરની ડિલિવરી કરવામાં આવી છે.
Govt Eases Rules for 5kg LPG Cylinders: મદદ માટે હેલ્પ ડેસ્ક અને કાળાબજાર પર લગામ
પ્રવાસીઓની સુવિધા માટે HPCL ના પસંદગીના આઉટલેટ્સ પર 11 સ્પેશિયલ હેલ્પ ડેસ્ક શરૂ કરવામાં આવ્યા છે. બીજી તરફ, નફાખોરી કરનારાઓ સામે સરકારે કડક વલણ અપનાવ્યું છે:
- સંગ્રહખોરી વિરોધી અભિયાન હેઠળ 50,000 થી વધુ સિલિન્ડર જપ્ત કરાયા છે.
- 1,400 થી વધુ ડિસ્ટ્રીબ્યુટર્સને નોટિસ ફટકારી 36 એજન્સીઓ ને સસ્પેન્ડ કરવામાં આવી છે.
Govt Eases Rules for 5kg LPG Cylinders: કોમર્શિયલ સપ્લાયમાં કાપ, ઘરો-હોસ્પિટલોને પ્રાથમિકતા
ગેસની કટોકટી ટાળવા માટે કોમર્શિયલ એલપીજીના પુરવઠામાં 30% નો ઘટાડો કરવામાં આવ્યો છે. સરકારની પ્રાથમિકતા અત્યારે ઘરેલું ગ્રાહકો, હોસ્પિટલો અને શાળાઓને પૂરતો સપ્લાય આપવાની છે. તેમજ ખાતર પ્લાન્ટ્સને પણ 6 એપ્રિલથી 90% ગેસ સપ્લાય મળવાનું શરૂ થઈ જશે.
ગ્રાહકો માટે સૂચના: હંમેશા અધિકૃત (Authorized) ગેસ એજન્સી પાસેથી જ સિલિન્ડર લેવો. આ ‘ફ્રી ટ્રેડ માર્કેટ’ નો ભાગ હોવાથી તેની કિંમત સામાન્ય ઘરેલું સિલિન્ડર કરતા અલગ હોઈ શકે છે. ખરીદતી વખતે એક્સપાયરી ડેટ ખાસ ચેક કરવી.
વધુ સમાચાર વાંચવા માટે અહી ક્લિક કરો
ન્યાયનો હથોડો, તમિલનાડુમાં પિતા-પુત્રની કસ્ટડીમાં હત્યા કરનાર 9 પોલીસકર્મીઓને ફાંસીની સજા
