Global Relief Rally: વૈશ્વિક સ્તરે યુદ્ધના વાદળો વિખેરાતાની સાથે જ આજે ભારતીય શેરબજારમાં સુનામી જેવી તેજી જોવા મળી છે. અમેરિકા અને ઈરાન વચ્ચે બે અઠવાડિયાના યુદ્ધવિરામની જાહેરાત થતા જ રોકાણકારોનો વિશ્વાસ પરત ફર્યો છે, જેના પરિણામે સેન્સેક્સ અને નિફ્ટીએ નવા શિખરો સર કર્યા છે.
Global Relief Rally: બજારના મુખ્ય આંકડા (બપોર સુધી)
- સેન્સેક્સ: 3000 પોઈન્ટ (3.95%) ના વધારા સાથે 77,600 પર ટ્રેડિંગ.
- નિફ્ટી: 900 પોઈન્ટ (3.80%) ના ઉછાળા સાથે 24,000 ની સપાટી વટાવી.
- ક્રૂડ ઓઇલ: કિંમતોમાં 13% નો મોટો ઘટાડો, પ્રતિ બેરલ $95 પર પહોંચ્યું.
Global Relief Rally: તેજી પાછળનું મુખ્ય કારણ: 2 અઠવાડિયાનો યુદ્ધવિરામ
છેલ્લા 40 દિવસથી અમેરિકા અને ઈરાન વચ્ચે ચાલી રહેલા સંઘર્ષ પર પાકિસ્તાન અને ચીનની મધ્યસ્થી બાદ 2 અઠવાડિયા માટે વિરામ મૂકવામાં આવ્યો છે.
- સુરક્ષિત અવરજવર: હોર્મુઝ સ્ટ્રેટમાંથી જહાજોની સુરક્ષિત અવરજવર માટે ઈરાન સહમત થયું છે.
- હુમલા પર રોક: અમેરિકા, ઈઝરાયેલ અને ઈરાન એકબીજા પર હુમલા નહીં કરે તેવી સમજૂતી થઈ છે.
Global Relief Rally: કયા સેક્ટરમાં સૌથી વધુ ખરીદી?
આજે બજારમાં ચોતરફ ખરીદીનો માહોલ છે, જેમાં ખાસ કરીને નીચેના સેક્ટરમાં ઉછાળો જોવા મળ્યો છે:
- ઓટો અને રિયલ્ટી: બંને ઇન્ડેક્સ લગભગ 5% ઉપર.
- બેન્કિંગ: સરકારી બેંકોના ઇન્ડેક્સમાં 3% થી વધુ તેજી.
- મેટલ: ઇન્ડેક્સમાં 3% થી વધુનો વધારો.
- FMCG અને ઓઇલ-ગેસ: 2% થી વધુના ઉછાળા સાથે કારોબાર.
Global Relief Rally: વૈશ્વિક બજારોની સ્થિતિ
ભારતીય બજારની સાથે એશિયન બજારોમાં પણ જોરદાર તેજી જોવા મળી રહી છે:
- કોસ્પી (સાઉથ કોરિયા): 6.35% ↑
- નિકેઈ (જાપાન): 5.12% ↑
- હેંગસેંગ (હોંગકોંગ): 2.85% ↑
- શાંઘાઈ (ચીન): 1.92% ↑
ક્રૂડ ઓઇલના ભાવમાં મોટી રાહત
યુદ્ધ શરૂ થયા બાદ ક્રૂડ ઓઇલ $120 પ્રતિ બેરલ પર પહોંચી ગયું હતું, જે આજે યુદ્ધવિરામના સમાચાર બાદ 13% ઘટીને $95 પર આવી ગયું છે. આ ઘટાડો ભારતીય અર્થતંત્ર માટે અત્યંત હકારાત્મક સંકેત છે.
નિષ્ણાતોનું માનવું છે કે: જો આ યુદ્ધવિરામ લાંબો ચાલે અથવા કાયમી શાંતિ સ્થપાય, તો સેન્સેક્સ આગામી દિવસોમાં નવા રેકોર્ડ સ્તર બનાવી શકે છે. ગઈકાલે પણ સેન્સેક્સ 510 પોઈન્ટ વધીને બંધ થયો હતો, જે તેજીનો સતત પાંચમો દિવસ છે.
વધુ સમાચાર વાંચવા માટે અંહી ક્લિક કરો
લખતર મામલતદાર કચેરીમાં ACBનો સપાટો ખેત જમીનની નોંધ માટે લાંચ લેતા નાયબ મામલતદાર અને પટ્ટાવાળો ઝડપાયા
