#Gaganyaan : દિવસેને દિવસે ઈસરો નવા-નવા રેકોર્ડ પોતાના નામે કરી રહ્યું છે, ત્યારે ચંદ્રયાનની સફળતા બાદ ઈસરોએ મિશન ગગનયાનના પ્રથમ તબક્કાને સફળતાપૂર્વક લોન્ચ કરીને ઈતિહાસ રચ્યો છે. ગગનયાનની ક્રૂ મોડ્યુલ એસ્કેપ સિસ્ટમનું સફળતાપૂર્વક જીવંત પરીક્ષણ કરવામાં આવ્યું હતું, પરંતુ તે એટલું સરળ નહોતું. સફળ પ્રક્ષેપણ પહેલા ઈસરોને ઘણી સમસ્યાઓનો સામનો કરવો પડ્યો હતો, 21 ઓક્ટોબરના રોજ સવારે 10 વાગ્યે ગગનયાન મિશનના પ્રથમ તબક્કાનું ટ્રાયલ સફળતાપૂર્વક પૂર્ણ થયું હતું. શ્રીહરિકોટાથી ઉડાન ભર્યા બાદ ગગનયાન (#Gaganyaan) બંગાળની ખાડીમાં ઉતર્યું હતું. ચાલો તમને જણાવીએ કે લોન્ચિંગ પહેલા શું થયું..?
સમય સવારે 8:00 –
ઈસરો 21 ઓક્ટોબરે આંધ્રપ્રદેશના શ્રીહરિકોટાથી સવારે 8 વાગ્યે ગગનયાન મિશન (#Gaganyaan)ના પ્રથમ તબક્કાનું પ્રક્ષેપણ કરવાનું હતું. પરંતુ ખરાબ હવામાનના કારણે ઈસરોએ પોતાનો સમય ફેરફાર કરવો પડ્યો. પ્રક્ષેપણનો સમય બદલીને સવારે 8:30 કરવામાં આવ્યો હતો. પરંતુ આ સમયે પણ મિશનની ટ્રાયલ થઇ શક્યું નહિ.
8:30 વાગ્યે શું થયું…
ઈસરોએ ગગનયાન મિશન (#Gaganyaan)ના પ્રથમ ટ્રાયલ માટે સવારે 8 વાગ્યાનો સમય નક્કી કર્યો હતો, પરંતુ ખરાબ હવામાનને કારણે આ સમયે મિશન લોન્ચ થઈ શક્યું ન હતું, ત્યારબાદ ઈસરોએ ફરી એકવાર મિશન લોન્ચ કરવાનો સમય મોકૂફ રાખ્યો હતો. તેમાં ફેરફાર કરવામાં આવ્યો હતો. અને મિશન ટ્રાયલનો સમય 15 મિનિટ વધારીને સવારે 8.45 કરવામાં આવ્યો હતો. બધાની નજર ઘડિયાળ પર ટકેલી હતી.
8:45 વાગ્યે શું થયું…
ઘડિયાળના કાંટે 8:45 વાગી ગયા કે તરત જ સમગ્ર દેશની નજર ટીવી પર ટકેલી હતી. ઈસરોના વૈજ્ઞાનિકો પણ પ્રક્ષેપણ માટે સંપૂર્ણ રીતે તૈયાર હતા. કાઉન્ટડાઉન શરૂ થઈ ગયું હતું પરંતુ છેલ્લી 10 સેકન્ડથી શરૂ થઈ હતી. તેણે 5 કહેતાની સાથે જ લોન્ચિંગને હોલ્ડ પર મૂકી દીધું. કોઈને સમજાયું કે શું થયું.
ઈસરો ચીફ એસ. સોમનાથે રાષ્ટ્રને સંબોધિત કરતા કહ્યું હતું કે, “ટેકનિકલ ખામીના કારણે ટ્રાયલ મોકૂફ રાખવામાં આવી છે. આજે લિફ્ટ-ઓફ કરવાનો પ્રયાસ કરી શકાયો નથી. એન્જિન યોગ્ય રીતે સળગી શક્યું નથી. શું ખોટું થયું છે, ક્યાં ખરાબી આવી છે. તેની તપાસ કરવામાં આવી રહી છે. રોકેટ સાથે ફીટ કરાયેલ વાહન સલામત છે. હવે શું થયું તે જોવાની જરૂર છે.” તેમણે કહ્યું કે લોકાર્પણ આજે નહીં થાય અમે જલ્દી પરત ફરીશું.
21 ઓક્ટોબર સવારના 9:35 આસપાસ
સવારે 9.35 વાગ્યાની આસપાસ, ઈસરોએ ટ્વીટર (X) પર પોસ્ટ કર્યું કે ગગનયાનના પ્રક્ષેપણની ખરાબીનું કારણ શોધી કાઢવામાં આવ્યું છે અને સમસ્યાને પણ સુધારી લેવામાં આવી છે. ગગનયાનનું પ્રથમ પ્રક્ષેપણ સવારે 10 વાગ્યે કરવામાં આવશે.
સવારે 10:00 વાગ્યે
ઘડિયાળના કાંટે 10 વાગી ગયા કે તરત જ ઈસરોએ તેના મહત્વાકાંક્ષી મિશન ગગનયાન (#Gaganyaan)ના પ્રથમ તબક્કાને સફળતાપૂર્વક લોન્ચ કરીને ઈતિહાસ રચ્યો. ખાસ વાત એ છે કે માત્ર અડધા કલાકમાં ટેક્નિકલ ખામીને દૂર કરીને મિશનને ફરીથી લોન્ચ કરવામાં આવ્યું હતું, આ ઇસરીની એક મોટી ઉપલબ્ધિ માનવામાં આવે છે.
શ્રીહરિકોટાથી ટેકઓફ કર્યા પછી, પ્રથમ પરીક્ષણ વાહને ક્રૂ મોડ્યુલ અને ક્રૂ એસ્કેપ સિસ્ટમને આકાશમાં લીધી અને પછી ક્રૂ મોડ્યુલ અને ક્રૂ એસ્કેપ સિસ્ટમને 594 કિમીની ઝડપે 17 કિમી ની ઊંચાઈએ અલગ પડ્યું. આ પછી પાણીથી અઢી કિ.મી. ની ઊંચાઈએ મોડ્યુલના મુખ્ય પેરાશૂટના ખુલ્યું અને તેનું લેન્ડિંગ બંગાળની ખાડીમાં થયું હતું. હવે ક્રૂ મોડ્યુલ અને એસ્કેપ સિસ્ટમની રિકવરી અહીંથી થશે. ISRO દ્વારા આ પરીક્ષણનો હેતુ 2025 માટે ગગનયાન મિશન (#Gaganyaan) તૈયાર કરવાનો છે. ઈસરોના વડાએ તેમના સાથી વૈજ્ઞાનિકોને આ મિશનની સફળતા માટે અભિનંદન પાઠવ્યા હતા અને ખુશી પણ વ્યક્ત કરી હતી. દેશ, દુનિયાના વધુ સમાચાર જોવા – અહી કલિક કરો –
4.5
5
Comments are closed.