મુકેશ અંબાણીના મોટા પુત્ર આકાશ અને તેની પત્ની શ્લોકા એ ૩૧ મે ના રોજ પુત્રીને જન્મ આપ્યો. અંબાણી પરિવારે કાર્ડ શેર કરીને દીકરીનું નામની જાહેરાત કરી. દીકરીનું નામ ” વેદા અંબાણી ” રાખવામાં આવ્યું છે. “વેદા” નો અર્થ “ખુબ સુંદર” એવો થાય છે. આકાશ શ્લોકા દીકરીનું નામ વેદા અંબાણી થી ઘણા ખુશ છે.
આકાશ અને શ્લોકા બીજી વાર માતા-પિતા બન્યા છે. અગાઉ ડીસેમ્બર ૨૦૨૦માં તેમના ઘરે દીકરાનો જન્મ થયો હતો, જેનું નામ પૃથ્વી છે. કાર્ડમાં લખ્યું છે- “ભગવાન કૃષ્ણ અને ધીરુભાઈ અંબાણી અને કોકિલાબેન અંબાણીના આશીર્વાદથી, પૃથ્વી તેની નાની બહેન વેદા આકાશ અંબાણી ના જન્મની જાહેરાત કરે છે.” આ કાર્ડમાં અંબાણી અને મહેતા પરિવારના સભ્યોના નામ છે.
શ્લોકા મહેતા અંબાણીએ 31 મેના રોજ પુત્રીને જન્મ આપ્યો હતો. આકાશ અંબાણી અને શ્લોકા અંબાણીનું આ બીજું સંતાન છે. તેમને 2 વર્ષનો પુત્ર પણ છે, જેનું નામ પૃથ્વી અંબાણી છે. એપ્રિલ મહિનામાં નીતા મુકેશ અંબાણી કલ્ચરલ સેન્ટર (NMACC) ના ઉદ્ઘાટન સમારોહ દરમિયાન શ્લોકા અંબાણીની બીજી પ્રેગ્નન્સી વિશે બધાને ખબર પડી હતી.
છેલ્લા કેટલાક અઠવાડિયાથી અંબાણી પરિવાર અનેક મંદિરોમાં જતો જોવા મળ્યો હતો. શ્લોકા તેના પતિ આકાશ અંબાણી અને સસરા મુકેશ અંબાણી સાથે બાબુલનાથ મંદિર પણ ગઈ હતી. આકાશ અંબાણી અને શ્લોકા મહેતાના લગ્ન માર્ચ 2019માં થયા હતા. આ લગ્નમાં બોલિવૂડના ઘણા સેલેબ્સ સામેલ થયા હતા. આ લગ્નમાં શાહરૂખ ખાન, ગૌરી ખાન, આખો બચ્ચન પરિવાર, દીપિકા પાદુકોણ, રણવીર સિંહ, આલિયા ભટ્ટ સહિત ઘણા સ્ટાર્સ જોવા મળ્યા હતા. તમને જણાવી દઈએ કે થોડા સમય પહેલા મુકેશ અંબાણી અને નીતા અંબાણીની દીકરી ઈશા અંબાણીએ જોડિયા બાળકોને જન્મ આપ્યો હતો.
મુકેશ અંબાણીના મોટા પુત્ર આકાશ અંબાણીની વાત કરીએ તો તેનો જન્મ પણ 23 ઓક્ટોબર 1991ના રોજ થયો હતો અને આકાશ રિલાયન્સ જિયોમાં ડિરેક્ટર છે અને તેની એક્ઝિક્યુટિવ કમિટીના સભ્ય પણ છે. તેઓ રિલાયન્સ જિયોના સ્ટ્રેટેજી હેડ પણ છે. IPLની ટીમ મુંબઈ ઈન્ડિયન્સમાં પણ તેની મહત્વની ભૂમિકા છે. તેઓ ઈન્ડિયન સુપર લીગ ઓફ ફૂટબોલ સાથે પણ જોડાયેલા છે. આકાશે શ્લોકા મહેતા સાથે લગ્ન કર્યા છે. બંનેને એક પુત્ર પૃથ્વી આકાશ અંબાણી છે.
વધુ માહિતી અને નવા નવા સમાચાર માટે જોતા રહો વીઆર લાઈવ
ચીન કરી રહ્યું છે આ જગ્યાએથી પાણીની ચોરી
