Dabba Trading Racket:રાજકોટમાં પોલીસ કમિશનર કચેરીની નજીક જ ધમધમતા ગેરકાયદેસર શેરબજાર એટલે કે ‘ડબ્બા ટ્રેડિંગ’ પર સ્ટેટ મોનિટરિંગ સેલે (SMC) દરોડો પાડ્યો છે. યાજ્ઞિક રોડ પર ઈમ્પિરિયલ હોટલ સામે આવેલ માધવ કોમ્પ્લેક્સમાં ચાલતા આ કાળા કારોબારનો પર્દાફાશ કરી પોલીસે અઠવાડિયામાં અંદાજે ₹20 કરોડના સોદાનો પર્દાફાશ કર્યો છે.
Dabba Trading Racket:દરોડાની વિગત અને ધરપકડ
SMCની ટીમે ચોક્કસ બાતમીના આધારે ઓફિસ નંબર 108-109માં રેડ પાડી હતી. આ કાર્યવાહીમાં કુલ 3 આરોપીઓની ધરપકડ કરવામાં આવી છે:
- રાકેશ ધીરજલાલ પોપટ (સૌરાષ્ટ્રનો કુખ્યાત ડબ્બા ટ્રેડર)
- મુકેશ મીઠાભાઈ વીરડીયા
- મહેશ રવજીભાઈ પરમાર જ્યારે મુખ્ય ભાગીદાર મિહિર મનોજભાઈ કલ્યાણી સહિત કુલ 6 શખ્સો હજુ ફરાર છે, જેમને પકડવા પોલીસે ચક્રો ગતિમાન કર્યા છે.
Dabba Trading Racket:₹19 લાખનો મુદ્દામાલ જપ્ત
પોલીસે સ્થળ પરથી અનેક ચીજવસ્તુઓ કબજે કરી છે:
- રોકડ રકમ: ₹1,72,000
- વાહન: કાળા કલરની ટોયોટા હાઈરાઈડર કાર
- ગેજેટ્સ: 4 આઈફોન સહિત કુલ 5 મોબાઈલ ફોન અને કોમ્પ્યુટર સિસ્ટમ
- કુલ મુદ્દામાલ: ₹18.89 લાખ
મોડસ ઓપરેન્ડી: 20 કરોડના સોદા અને આંગડિયા પેઢીનો ઉપયોગ
તપાસમાં સામે આવ્યું છે કે આરોપીઓ ‘મેટા ટ્રેડર ફાઈવ’ (MetaTrader 5) નામની એપ્લિકેશન દ્વારા કોઈ પણ લાયસન્સ વગર ગેરકાયદેસર રીતે શેર અને સોના-ચાંદીના સોદા પાડતા હતા.
- ડેટા ડિલીટ કરવાની ટ્રિક: આરોપીઓ દર અઠવાડિયે સોદાનો ડેટા ડિલીટ કરી દેતા હતા, પરંતુ છેલ્લા એક અઠવાડિયામાં જ 20 કરોડના સોદા થયા હોવાના પુરાવા પોલીસને મળી આવ્યા છે.
- પેમેન્ટ: હાર-જીતના પૈસાની લેતી-દેતી બેંક એકાઉન્ટ તેમજ આંગડિયા પેઢી મારફત કરવામાં આવતી હતી.
પોલીસની નિષ્ફળતા?
રાજકોટ પોલીસ કમિશનર ઓફિસથી માત્ર 600 મીટરના અંતરે છેલ્લા ચાર મહિનાથી આ નેટવર્ક ચાલતું હતું. તેમ છતાં સ્થાનિક પોલીસને ગંધ ન આવતા અને ગાંધીનગરની SMC ટીમે કાર્યવાહી કરતા સ્થાનિક પોલીસની કામગીરી સામે ફરી સવાલો ઉઠ્યા છે. આરોપીઓ વિરુદ્ધ પ્રદ્યુમનનગર પોલીસ સ્ટેશનમાં BNS અને IT એક્ટની વિવિધ કલમો હેઠળ ગુનો નોંધવામાં આવ્યો છે.
આ પણ વાંચો :ગૌ-હત્યા સામે ઝીરો ટોલરન્સ: 18 ગુનેગારોને આજીવન કેદ, દુધરેજ ધામના વિકાસ માટે હર્ષ સંઘવીએ ₹6.50 કરોડ ફાળવ્યા
