Bomb Threat Scare in Gujarat: ગુજરાતમાં આજે શુક્રવાર (27 ફેબ્રુઆરી)ના રોજ સરકારી કચેરીઓને નિશાન બનાવતા ધમકીભર્યા મેઇલ મળતા સમગ્ર રાજ્યનું પોલીસ તંત્ર દોડતું થયું છે. એક તરફ રાજ્યમાં ધોરણ-10 અને 12ની બોર્ડની પરીક્ષાઓ ચાલી રહી છે, ત્યારે સુરતની પાસપોર્ટ ઓફિસ અને ભાવનગર-અમરેલી સહિતના શહેરોની પોસ્ટ ઓફિસોને બોમ્બથી ઉડાવી દેવાની ધમકી મળતા ચકચાર મચી ગઈ છે.
Bomb Threat Scare in Gujarat: સુરત: પાસપોર્ટ ઓફિસમાં સઘન સર્ચ ઓપરેશન
સુરતના પીપલોદ વિસ્તારમાં આવેલી મુખ્ય પાસપોર્ટ ઓફિસને બોમ્બની ધમકી મળતા જ ગભરાટ ફેલાયો હતો.
- ત્વરિત કાર્યવાહી: ઘટનાની ગંભીરતા જોતા ઉમરા પોલીસ, ક્રાઈમ બ્રાન્ચ અને બોમ્બ-ડોગ સ્ક્વોડની ટીમો તાત્કાલિક સ્થળ પર પહોંચી હતી.
- તપાસ: ઓફિસ પરિસરને ખાલી કરાવીને ખૂણેખૂણાની તપાસ કરવામાં આવી રહી છે. પોલીસ આ મેઇલ ક્યાંથી આવ્યો અને તેનો સ્ત્રોત શું છે તેની ટેકનિકલ તપાસ કરી રહી છે.
Bomb Threat Scare in Gujarat: રાજ્યભરની પોસ્ટ ઓફિસોમાં એકસાથે ધમકી
માત્ર પાસપોર્ટ ઓફિસ જ નહીં, પરંતુ રાજ્યના અનેક શહેરોની પોસ્ટ ઓફિસોને પણ નિશાન બનાવવામાં આવી છે.
- સમાન મેઇલ: ભાવનગર, અમરેલી, નવસારી અને વલસાડની પોસ્ટ ઓફિસના સુપ્રિટેન્ડન્ટને એક સરખો જ ધમકીભર્યો મેઇલ મળ્યો છે.
- ખાલી કરાવાઈ કચેરીઓ: ધમકીના પગલે સાવચેતીના ભાગરૂપે આ તમામ પોસ્ટ ઓફિસોને તાત્કાલિક ખાલી કરાવી દેવામાં આવી છે.
- પોલીસ છાવણી: હાલમાં તમામ સ્થળોએ સ્થાનિક પોલીસ અને સ્પેશિયલ ફોર્સ દ્વારા ચેકિંગ હાથ ધરવામાં આવ્યું છે.
તંત્ર દ્વારા અપીલ
પોલીસ અધિકારીઓના જણાવ્યા અનુસાર, આ કોઈ અસામાજિક તત્વોની ટીખળ કે અફવા હોઈ શકે છે, પરંતુ સુરક્ષાના કારણોસર કોઈપણ જોખમ લેવામાં આવી રહ્યું નથી. નાગરિકોને ગભરાવાને બદલે સતર્ક રહેવા અને કોઈ શંકાસ્પદ વસ્તુ દેખાય તો તરત પોલીસને જાણ કરવા અપીલ કરવામાં આવી છે.
