America: અમેરિકાએ તેના નાગરિકોને મણિપુર, જમ્મુ-કાશ્મીર, ભારત-પાકિસ્તાન સરહદ અને દેશના મધ્ય અને પૂર્વીય ભાગોમાં મુસાફરી ન કરવાની સલાહ આપી છે. યુએસ સ્ટેટ ડિપાર્ટમેન્ટે ભારત માટે સંશોધિત ટ્રાવેલ એડવાઇઝરી જાહેર કરી છે. તેમાં કહેવામાં આવ્યું છે કે ગુનાખોરી અને આતંકવાદને કારણે ભારતમાં મુસાફરી અંગે સાવધાની વધારી દેવામાં આવી છે.
America એ ભારતને લેવલ-2 પર રાખ્યું
અમેરિકા ભારતના કેટલાક વિસ્તારોમાં જોખમ વધી રહ્યું હોવાનો દાવો કરી રહ્યું છે. એકંદરે, ભારતને લેવલ-2 પર રાખવામાં આવ્યું છે, પરંતુ દેશના ઘણા ભાગોને લેવલ-4 પર રાખવામાં આવ્યા છે. તેમાં જમ્મુ અને કાશ્મીર, ભારત-પાકિસ્તાન સરહદ, મણિપુર અને મધ્ય અને પૂર્વ ભારતના ભાગોનો સમાવેશ થાય છે.
યુએસ સ્ટેટ ડિપાર્ટમેન્ટે કહ્યું છે કે જમ્મુ-કાશ્મીરમાં આતંકવાદ અને મણિપુરમાં સશસ્ત્ર સંઘર્ષની શક્યતા છે, તેથી આ સ્થળોની મુસાફરી કરવાનું ટાળો. પૂર્વ ભારતના કેટલાક વિસ્તારોમાં ઉગ્રવાદ અને ગુનાખોરીના કારણે અહીં ન જવાની સલાહ આપવામાં આવી છે.
![America: અમેરિકાએ ભારત પ્રવાસ અંગે ચેતવણી જાહેર કરી, આ રાજ્યોમાં ન જવાની આપી સલાહ](https://vrlivegujarat.com/wp-content/uploads/2024/07/3-53-600x338.jpg)
America એ ટ્રાવેલ એડવાઈઝરીમાં જણાવવામાં આવ્યું છે કે ભારતમાં બળાત્કાર સૌથી ઝડપથી વધી રહેલા ગુનાઓમાંનો એક છે. પર્યટન સ્થળો અને અન્ય સ્થળોએ જાતીય હુમલો જેવા હિંસક ગુનાઓ બન્યા છે. આતંકવાદીઓ ગમે ત્યારે હુમલો કરી શકે છે. તેઓ પ્રવાસન સ્થળો, પરિવહન કેન્દ્રો, બજારો, શોપિંગ મોલ્સ અને સરકારી સંસ્થાઓને નિશાન બનાવે છે.
ઉત્તર-પૂર્વીય રાજ્યોમાં મુસાફરી કરવાનું ટાળવાની સલાહ
ચેતવણીમાં કહેવામાં આવ્યું છે કે આતંકવાદ અને નાગરિક અશાંતિને કારણે જમ્મુ અને કાશ્મીરના કેન્દ્રશાસિત પ્રદેશ (પૂર્વીય લદ્દાખ ક્ષેત્ર અને લેહ સિવાય)ની મુસાફરી કરશો નહીં. સશસ્ત્ર સંઘર્ષની સંભાવનાને કારણે ભારત-પાકિસ્તાન સરહદના 10 કિમીની અંદરના વિસ્તારમાં મુસાફરી કરશો નહીં. વધુમાં, અમેરિકનોને હિંસાને કારણે ઉત્તરપૂર્વીય રાજ્યોની મુસાફરી પર પુનર્વિચાર કરવાની ભલામણ કરવામાં આવી છે.
નોંધનીય છે કે ભારતમાં પ્રવાસ કરતા યુએસ સરકારી કર્મચારીઓને સિક્કિમ અને અરુણાચલ પ્રદેશ તેમજ આસામ, મિઝોરમ, નાગાલેન્ડ, મેઘાલય અને ત્રિપુરાના રાજધાની શહેરોની બહારના કોઈપણ વિસ્તારની મુલાકાત લેતા પહેલા પૂર્વ પરવાનગીની જરૂર પડે છે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો