GST Relief for Businesses: GST કાઉન્સિલની 57મી બેઠકમાં વેપારીઓ અને ઉદ્યોગ જગત માટે અનેક મહત્વપૂર્ણ રાહતોની જાહેરાત કરવામાં આવી છે. બેઠકમાં કર દરોમાં મોટા ફેરફાર કરતાં વેપાર પ્રક્રિયા સરળ બનાવવા અને લાંબા સમયથી ચાલી રહેલા ઇનપુટ ટેક્સ ક્રેડિટ એટલે કે ITC સંબંધિત મુદ્દાઓના ઉકેલ પર વધુ ભાર મૂકવામાં આવ્યો છે. ખાસ કરીને નાના વેપારીઓ, કોર્પોરેટ કંપનીઓ, ઈ-કોમર્સ અને ઇન્ફ્રાસ્ટ્રક્ચર ક્ષેત્ર માટે આ નિર્ણયો મહત્વપૂર્ણ માનવામાં આવી રહ્યા છે.
GST Relief for Businesses: GST અધિકારીઓની ધરપકડની સત્તા પર નિયંત્રણ
GST કાયદાની કલમ 69માં ફેરફાર સાથે સામાન્ય વેપારી વિવાદો અથવા રૂટિન ટેક્સ વિસંગતતાઓમાં અધિકારીઓ દ્વારા સીધી ધરપકડ કરવાની કાર્યવાહી પર નિયંત્રણ મૂકવામાં આવ્યું છે. ગંભીર ગુનાહિત કેસો અને જાણીજોઈને કરવામાં આવેલી ટેક્સ ચોરીના મામલામાં જ કડક કાર્યવાહી કરવાની જોગવાઈ રહેશે.
GST Relief for Businesses: કર્મચારીઓના વીમા પર ITCનો લાભ
કંપનીઓ દ્વારા કર્મચારીઓ માટે લેવાતા ગ્રૂપ હેલ્થ અને લાઇફ ઇન્શ્યોરન્સ પર ચૂકવાયેલા GST અંગે ITCનો માર્ગ સરળ કરવામાં આવ્યો છે. આ નિર્ણયથી કોર્પોરેટ કંપનીઓના ખર્ચમાં રાહત મળવાની શક્યતા છે.
GST Relief for Businesses: ડિલિવરી અને ઈ-કોમર્સ ક્ષેત્રને મોટી રાહત
અનરજિસ્ટર્ડ રાઇડર્સ દ્વારા પૂરી પાડવામાં આવતી ડિલિવરી સેવાઓ પર GST દર 18 ટકાથી ઘટાડીને 5 ટકા કરવામાં આવ્યો છે. આ નિર્ણયથી ઈ-કોમર્સ અને ગિગ ઈકોનોમી સાથે જોડાયેલા વ્યવસાયોને રાહત મળવાની શક્યતા છે.
GST Relief for Businesses:ટેલિકોમ અને અન્ય ક્ષેત્રોને ITC
ટેલિકોમ ટાવર્સ તેમજ ફેક્ટરી પરિસરની બહારની પાઇપલાઇન પર ITCનો લાભ આપવાનો નિર્ણય લેવાયો છે. તેનાથી ટેલિકોમ, રિફાઇનિંગ, પેટ્રોકેમિકલ્સ, ગેસ ડિસ્ટ્રિબ્યુશન અને અન્ય ઇન્ફ્રાસ્ટ્રક્ચર ક્ષેત્રોને સીધો લાભ મળી શકે છે.
નાના કેસોમાં નોટિસથી રાહત
₹10,000 સુધીની GST માંગના કેસોમાં શો-કોઝ નોટિસ ન મોકલવાની જોગવાઈ પણ વેપારીઓ માટે મહત્વપૂર્ણ માનવામાં આવી રહી છે. આથી નાના ટેક્સ વિવાદોમાં વેપારીઓ અને GST વિભાગ બંનેનો સમય બચી શકે છે.
આ ઉપરાંત પાત્ર વ્યવસાયો માટે આઉટડોર કેટરિંગ ખર્ચ પર ITC, રીટ્રેડેડ ટ્રેક્ટર ટાયર પર GST 18 ટકાથી ઘટાડીને 5 ટકા, તેમજ GST ચૂકવાયેલા ફ્રી સેમ્પલ્સ અને કાયદેસર નષ્ટ કરાયેલા એક્સપાયર્ડ માલ પર ITCની મંજૂરી જેવા નિર્ણયો પણ લેવામાં આવ્યા છે. ખાસ કરીને FMCG અને ફાર્મા કંપનીઓ માટે આ નિર્ણયોને મહત્વપૂર્ણ રાહત તરીકે જોવામાં આવી રહ્યા છે.
આ પણ વાંચો :પાકિસ્તાનમાં લોટના ભાવમાં ભડકો: 20 કિલોની બેગ ₹3,300ને પાર, રોટલી પણ મોંઘી
